Íslenzk fyndni - 01.10.1976, Page 7
FORMÁLI
Með þessu hefti er ætlunin að hefja á ný útgáfu „íslenskrar
fyndni“ sem út kom á árunum 1933—1961 í samantekt Gunn-
ars Sigurðssonar frá Selalæk.
1 fyrra kom út úrval úr heftunum 25, en nú eru sögurnar
nýjar og hafa ekki birst áður í „Islenskri fyndni“. Reynt verð-
ur nú og í framtíðinni að fylgja þeirri hefð sem Gunnar frá
Selalæk hélt, að hafa sögurnar 100 og vísurnar 50.
Söfnun og útgáfa íslenskra fyndnisagna- og vísna eru að
sjálfsögðu undir kímnigáfu þjóðarinnar komin og undirtektum
landsmanna. Ef að líkum lætur kunna íslendingar að meta
hressilegt skop ekki síður nú en áður fyrr, þegar vöxtur „Is-
lenskrar fyndni“ var hvað mestur.
Það er því von okkar að viðtökur almennings gefi tilefni til
að halda áfram útgáfu á „íslenskri fyndni“ sem nú kemur út
í 26. skipti.
En til þess verðum við að treysta nokkuð á lesendur, að þeir
reynist hjálplegir við söfnun sagna og vísna. Skorum við því
á fólk að bregðast vel við og senda okkur skoplegar sögur eða
vísur, og verður þeim sent endurgjaldslaust það hefti, sem
sögurnar eða vísurnar birtast í.
Utanáskrift: Islensk fyndni
Grundarstíg 4,
Reykjavík.
Reykjavík í september 1976.
Hafsteinn Einarsson Gunnar Finnsson