Íslenzk fyndni - 01.10.1976, Síða 45

eftirfarandi spurning: „Til hvers eru kýrnar mjólk-
aðar tvisvar á dag?“
Heitið var verðlaunum fyrir besta svarið. Það kom
frá 9 ára strák, sem svaraði: „Til þess að mjólkin
súrni ekki í þeim.“
91.
SVONEFND „æðri tónlist" er mjög í hávegum
höfð í ríkisútvarpinu. Jón Múli vill af augljósum
ástæðum kalla þennan dagskrárlið „tónlist fyrir æðri
unnendur“.
92.
VALBJÖRG HÉT KONA, er bjó í Borgarnesi.
Hún þótti nokkuð greind, en var fljótfær og komst
oft kynduglega að orði.
Eitt sinn var Valbjörg að lýsa mat er hún hafði
fengið í veislu. Hún sagði þá meðal annars, að með
kjötinu hefðu verið „alla vega litaðar grænar baunir.“
93.
EITT SINN var Valbjörg að steikja hvalkjöt. Hún
gleymdi sér við að leggja kapal, svo kjötið brann yfir
og hún varð að fleygja því í sjóinn.
Er maður hennar kom svangur heim úr vinnunni
og spurði hvað hefði orðið af hvalnum, svaraði Val-
björg:
„Hann fékk heimþrá.“
94.
VALBJÖRG var mikil spilakona. Eitt sinn var hún
í húsi ásamt tveim vinkonum og vantaði fjórða mann
43