Íslenzk fyndni - 01.10.1976, Page 51

Haraldur viðurkenndi það og gerði þegar á henni
bragarbót:
Haraldur er á því oft,
auminginn því miður.
Alltaf snýr það upp í loft,
sem á að snúa niður.
108.
MAÐUR NOKKUR ljóðaði á Leif Haraldsson:
Bilið er langt milli Leifs og manns.
Löngum er hann þó glaður.
Leifur botnaði:
Því langa — langa — langafi hans
var landskunnur sómamaður.
Leifur átti hér við forföður sinn Þorleif ríka á
Háeyri.
109.
BEINAKERLINGARVÍSA eftir Benedikt frá Hof-
teigi:
Þeir, sem eiga feitar frúr,
finnst mér ættu að reyna,
hvernig það er að hella úr
honum á milli steina.
110.
HARALDUR BJÖRNSSON, afgreiðslustjóri Þjóð-
viljans, var eitt sinn háseti hjá Gvendi Eyja.
Einhverju sinni í landlegu sátu skipverjar að
sumbli og voru ekki mjög vandlátir á drykkinn.
49