Fréttablaðið - 26.10.2022, Qupperneq 48

frettabladid.is
550 5000
RITSTJÓRN ritstjorn@frettabladid.is
AUGLÝSINGADEILD auglysingar@frettabladid.is
PRENTUN Torg ehf.
DREIFING Póstdreifing ehf.
dreifing@postdreifing.is 2022 - 2025
Láru G.
Sigurðardóttur
n Bakþankar
Vatnagörðum 14 104 Reykjavík
litrof@litrof.is 563 6000 litrof.is
UMHVERFISVÆN
PRENTUN
Árið er 1843. Dr. Jón Hjaltalín
læknir skrifar grein þar sem hann
fer hörðum orðum um drykkju­
skap Íslendinga. Lýsir hann hvernig
áfengi sé þjóðarböl og drykkju­
rútar verði sjálfum sér eða öðrum
að tjóni. Danir hlæja og hafa í
skemmtisögum drykkjuskap
Íslendinga. Leggur hann til að
áfengi verði skattlagt og fjármagnið
nýtt í vísindi.
Nú er árið 2022 og áfengisvís­
indin vel rannsökuð. Ekkert annað
vímuefni veldur jafn miklum
samfélagslegum skaða. Þá segir í
skýrslu velferðarráðuneytisins að
yfirmarkmið áfengisforvarna sé
að takmarka aðgengi til að draga
úr skaðlegum áhrifum. Þvert á
lýðheilsustefnu þessa keppast sölu­
aðilar og sumir alþingismenn við
að rýmka aðgengi, svo auðveldara
verði að koma bölinu heim í hús.
Helstu rökin eru að þar sem aðgengi
að áfengi hefur aukist sé nærtækast
að auka það enn frekar. Svolítið eins
og að halda því fram að þar sem
fólk keyri of hratt, þá skulum við
leyfa því að keyra enn hraðar.
Árlega látast að meðaltali ellefu
í umferðinni. Ef við heimfærum
amerískar tölur á Ísland má áætla
að 140 manns deyi ár hvert úr
áfengiseitrun hér á landi. Þá er
ótalinn samfélagsskaði af áfengi
sem felst í ölvunarakstri, ofbeldi,
örkumlum, örorku, sjúkdómum,
veikindum og svo mætti lengi telja.
Hafa skal í huga að 8,5% þjóðar­
innar drekka hættulega mikið.
Gleymum ekki vísindunum sem
sýna svart­á­hvítu hvernig draga
megi úr ofdrykkju – líkt og hrað­
akstri. Við verðum að hafna auknu
aðgengi að áfengi og takmarka
heldur sölu, áður en við sökkvum
í haf Bakkusar. Heilsa þjóðarinnar
þarf að ganga fyrir gróða einka­
félaga – og drykkjusvalli. Það var
þegar ljóst fyrir 179 árum síðan. n
Haf Bakkusar
Fyrir það
sem mestu
máli skiptir
577 5600 | info@oskaskrin.is | oskaskrin.is
Það hefur aldrei verið
einfaldara að gleðja
starfsfólkið!
Óskaskrín í öskju eða rafrænt Óskaskrín
beint í símann.
RAFRÆNT
ÓSKASKRÍN
BEINT
Í SÍMANN
Rafræn Óskaskrín eru send með tölvupósti til viðtakanda.
Getum sérhannað tölvupóstinn og rafræna gjafakortið.
Bjóðum líka sérmerktar öskjur fyrir fyrirtækjagjafir
með merki, lit og persónulegri kveðju frá fyrirtækinu.