Fréttablaðið - 26.11.2022, Qupperneq 6

Vissulega lítur þetta vel
út og það felst töluvert
mikill sparnaður í
þessu árferði núna.
G. Pétur Matthí-
asson, upp-
lýsingafulltrúi
Vegagerðarinnar
Við höfum fjárfest
gríðarlega til þess
einmitt að geta notað
græna orku.
Jón Már Jóns-
son, yfirmaður
landvinnslu hjá
Síldarvinnslunni
Menningar- og viðskiptaráðuneyti auglýsir
eftir umsóknum um styrki til staðbundinna
fjölmiðla utan höfuðborgarsvæðisins.
Markmið með styrkveitingum til einkarek-
inna staðbundinna fjölmiðla utan höfuð-
borgarsvæðisins er að efla starfsemi þeirra
enda gegni þeir mikilvægu hlutverki við að
tryggja aðgengi almennings að upplýsingum
um menningar- og samfélagsmál og styðji
með þeim hætti við lýðræðisþátttöku og
menningarstarf. (3. gr. reglna nr. 1265/2022
um styrkveitingar til staðbundinna fjöl-
miðla).
Til úthlutunar árið 2022 eru 5 m.kr.: 2,5 m.kr.
frá menningar- og viðskiptaráðuneyti og 2,5
m.kr. frá innviðaráðuneyti v. aðgerðar C.07 í
byggðaáætlun, Efling fjölmiðlunar í héraði.
Höfuðborgarsvæðið nær yfir sveitarfélögin
Reykjavíkurborg, Kópavogsbæ, Hafnar-
fjarðarkaupstað, Garðabæ, Seltjarnarnesbæ
og Mosfellsbæ.
Umsækjendum er bent á að kynna sér
ákvæði reglna nr. 1265/2022 um styrkveit-
ingar til staðbundinna fjölmiðla.
Umsóknareyðublað er á vef menningar- og
viðskiptaráðuneytis www.mvf.is.
Þegar það hefur verið fyllt út þarf að prenta
það til undirritunar, skanna og senda ásamt
umbeðnum fylgiskjölum. Mikilvægt er að öll
fylgiskjöl fylgi með umsókn. Umsóknir skulu
berast á menningar- og viðskiptaráðuneytis,
mvf@mvf.is, fyrir miðnætti 11. desember
2022. Ef spurningar vakna um hvernig eigi að
fylla umsóknina út er hægt að senda fyrir-
spurn á framangreint netfang.
Umsóknarfrestur er til miðnættis
sunnudaginn 11. desember 2022.
Menningar- og viðskiptaráðuneyti
24. nóvember 2022
Styrkir til staðbundinna
fjölmiðla utan
höfuðborgarsvæðisins
Stjórnarráð Íslands
Menningar - og
viðskiptaráðuneytið
Aðalfundur
Golfklúbbsins Odds 2022
Aðalfundur Golfklúbbsins Odds verður haldinn
í golfskálanum í Urriðavatnsdölum þriðjudaginn
6. desember kl. 20:00.
Dagskrá:
• Skýrsla stjórnar um störf og framkvæmdir á liðnu starfsári.
• Kynning á endurskoðuðum ársreikningi félagsins.
• Umræður um skýrslu stjórnar og ársreikning sem síðan skal
borinn upp til samþykktar.
• Umræður og atkvæðagreiðsla framkominna tillagna skv. 19. gr.
ef einhverjar eru.
• Afgreiðsla tillagna til lagabreytinga.
• Ákveðið árgjald og önnur gjöld fyrir næsta starfsár. Fjárhagsá-
ætlun næsta árs kynnt.
• Kosning stjórnar og varamanna í stjórn.
• Kosning tveggja skoðunarmanna reikninga og eins til vara.
• Kosning þriggja manna í kjörnefnd.
• Önnur málefni ef einhver eru.

Stjórn Golfklúbbsins Odds.
Ekki er útlit fyrir að grípa
þurfi til skerðingar á raforku
til stórnotenda í vetur. Tíðar-
farið að undanförnu veldur
því að orkustaðan er með
besta móti. „Það skiptir okkur
sköpum að þurfa ekki að
hafa áhyggjur af þessu,“ segir
yfirmaður landvinnslu í Nes-
kaupstað.
ggunnars@frettabladid.is
ORKUMÁL Óvenju gott tíðarfar
veldur því að ekki þarf að grípa til
skerðingar á raforku til stórnotenda
í vetur líkt og gert var síðastliðinn
vetur. Það eru góðar fréttir fyrir
fiskimjölsverksmiðjur landsins nú
þegar hillir undir loðnuvertíð.
Fyrir sléttu ári síðan var staðan
þannig í Neskaupstað, þar sem
Síldarvinnslan er með umfangs-
mikla starfsemi, að f lutningskerfi
Landsvirkjunar réði ekki við að
f lytja alla þá orku sem til þurfti á
milli landshluta vegna bágrar stöðu
í uppistöðulónum.
En nú er tíðin önnur og veður
skaplegra. Samkvæmt upplýsingum
frá Landsvirkjun hafa suðaustanátt-
ir með hlýindum og úrkomu aukið
mjög rennsli til Hálslóns, sem og til
Tungnaár og Þórisvatns.
Staða miðlunarforða er því góð og
útlit fyrir að hægt verði að anna allri
orkuþörf viðskiptavina Landsvirkj-
unar út veturinn.
Af tíu fiskimjölsverksmiðjum
landsins ganga þrjár enn fyrir olíu.
Hinar sjö, sem afkasta um 70 pró-
sentum af heildarframleiðslunni,
nýta að jafnaði græna orku. Það er
að segja þegar tíðarfar er skaplegt.
Jón Már Jónsson, yfirmaður land-
vinnslu hjá Síldarvinnslunni, segir
gott að vita til þess að næg orka sé
fyrir hendi.
„Þetta er allt önnur staða. Síðast-
liðinn vetur þurftum við að brenna
gríðarlegu magni af olíu til að keyra
vinnsluna vegna skerðingar á raf-
orku. Það var óvenju slæmt og gerði
okkur erfitt fyrir,“ segir Jón Már.
Hann segist fara bjartsýnn inn
í veturinn með þessi tíðindi frá
Landsvirkjun.
„Þetta skiptir okkur sköpum. Við
höfum fjárfest gríðarlega til þess
einmitt að geta notað græna orku,
þannig að við erum í draumastöðu
þegar tíðarfarið er svona. Nú bíðum
við bara eftir loðnunni og erum klár
í vertíðina sem hefst eftir áramót.
Hún er okkur mikilvæg og þá er
gott að þurfa ekki að hafa áhyggjur
af orkunni.“
En hvað sem rysjóttu tíðarfari
líður segir Jón Már stóru myndina
vera að auka þurfi við orkufram-
leiðslu.
„Þetta er allt orðið mjög tæpt og
það má í raun ekkert út af bregða. Ef
það kemur upp ein bilun þá dettum
við út og förum yfir á olíu. Það vant-
ar einfaldlega meiri orku og betri
flutning svo hægt sé að sigla lygnan
sjó í gegnum álagstímabilin. Það er
langtímaverkefnið,“ segir Jón Már.
Landsvirkjun áformar að auka
af l í virkjunum sínum á Þjórsár-
svæðinu, meðal annars til að auka
sveigjanleika í kerfinu. Stækkun og
aflaukning virkjananna tekur hins
vegar nokkur ár og því viðbúið að
aflskortur setji áfram strik í reikn-
inginn hjá stórnotendum á næstu
árum, jafnvel þótt nægt vatn sé í
lónum. n
Óvenju gott tíðarfar og
ekkert útlit fyrir orkuskort
Síldarvinnslan í Neskaupstað þurfti að brenna olíu í stórum stíl vegna skerðingar á raforku í fyrravetur. Nú er tíðin önnur.
MYND/AÐSEND
benediktarnar@frettabladid.is
SAMGÖNGUR Snjóruðningstæki
Vegagerðarinnar hafa ekið tæplega
80 þúsund færri kílómetra miðað
við sama tíma í fyrra, það sem af
er vetri. Þar af leiðandi er lítil sem
engin þörf á að ryðja snjó af vegum
landsins.
Eins og gefur að skilja felur snjó-
leysið í sér töluverðan sparnað
fyrir þá sem sjá um vetrarþjónustu
og það er raunin, segir G. Pétur
Matthíasson, upplýsingafulltrúi
Vegagerðarinnar.
„Vissulega lítur þetta vel út og
það felst töluvert mikill sparnaður
í þessu árferði núna, en annars
kemur þetta í bylgjum og ekki hægt
að segja til um veturinn eða árið í
ár,“ segir hann.
Að sögn Péturs eru fjárveitingar
til vetrarþjónustunnar um 3,8
milljarðar króna, en í því felst öll
vetrarþjónusta. Snjómokstur og
hálkuvarnir séu aðeins hluti af
þjónustunni.
„Þessi kostnaður er þó afar
sveiflukenndur og það kemur fyrir í
síauknum mæli að kostnaður verður
meiri en fjárveitingar, þegar mikið
gengur á í veðrinu. Einnig er rétt
að nefna að óskir um aukna vetrar-
þjónustu verða sífellt háværari
vegna þess að f leiri og f leiri sækja
vinnu um langan veg og nú er boðið
upp á ferðamennsku allt árið,“ segir
Pétur og bætir við að almenn þjón-
usta við vegakerfið aukist í þessu
árferði.
„Við erum ánægð með ástandið
samt og erum tilbúin þegar vetrar-
veðrin bresta á,“ segir Pétur. n
Vegagerðin ánægð með snjóleysið
6 Fréttir 26. nóvember 2022 LAUGARDAGURFRÉTTABLAÐIÐ