Veiðimaðurinn - 01.04.1987, Blaðsíða 54

aðeins um helming þess magns, sem veidd-
ist árin á undan. Þar brást áin annað árið í
röð og hefur þar með dottið úr háum söðli,
ef tekið er mið af veiðinni 1984, þegar hún
hreykti sér hátt og gaf 707 laxa. Snæfoks-
staðir í Hvítá reyndust fengsælir. Þar
komu á annað hundrað laxar á land. I
Breiðdalsá er Eyjólfur allur að hressast, því
að áin gaf nú nær tvöfalt meiri afla en 10
árin á undan. Sama gildir, ef tekið er mið af
árinu 1985. Þegar á heildina er litið, er
veiðin í ám félagsins ekki mikið yfir 10 ára
meðaltalsveiðinni. Árnar á Norður- og
Austurlandi skera sig úr hvað þetta varðar.
Þar er öll aukningin.
Sala veiðileyfa: Ef salan er reiknuð
sem hlutfall af mögulegri sölu, þ.e. fram-
boði veiðileyfanna í krónum reiknað, kem-
ur í ljós, að hún jaðrar við 100% í Elliðaán-
um, Langá, Blöndu, Svartá og að Laugar-
bökkum, 95% í Sogi, 93% í Leirvogsá og
Norðurá, 90% í Brynjudalsá og Breiðdalsá,
85% í Gljúfurá, 78% á Snæfoksstöðum og
72% í Miðá. Svartipéturinn í spilunum var
að þessu sinni Stóra-Laxá. Þar var sölu-
hlutfallið aðeins 58%. Er nú af sem áður
var, er áin seldist nær alveg upp, ár eftir ár.
Stóra-Laxá var félaginu verulegur fjár-
hagslegur baggi, annað árið í röð. Nýr
samningur, nú í formi umboðssölu, mun
leysa þennan vanda, og er ekki seinna
vænna. Verð veiðileyfa í þessari kristaltæru
og fögru á mun lækka, þrátt fyrir nokkra
verðbólgu. Er þá þess að vænta, að glað-
beittir veiðimenn flykkist að ánni sinni
aftur.
Hér á eftir verður gerð grein fyrir hverri
á fyrir sig.
Elliðaárnar: Árnefnd Elliðaánna skip-
uðu eftirtaldir menn: Garðar Þórhallsson,
formaður, Rósar Eggertsson, Anton
Bjarnason, Árni Halldórsson, Eyjólfur
Olafsson, Guðjón Kr. Einarsson, Hjörtur
Karlsson, Gunnlaugur J. Rósarsson og
Karl Ómar Jónsson. Fyrsta hreinsunar-
ferðin var farin 20. maí og urðu þær alls
sjö. Tveir nefndarmenn lögðu til vörubíla
sína við hreinsun árinnar. Auk þess tóku
velviljaðir sjálfboðaliðar þátt í henni.
Framkvæmdir í sambandi við hitaveitu-
stokk milli Móhylja drógust nokkuð á
langinn, svo að ekki var hægt að ráðast í
frekari framkvæmdir en að laga nokkuð
Móhylsstrengi að þessu sinni. Teljara-
Faíst í næstu sportvöruverslun
HAFÐU VAÐIÐ FYRIR
NEÐAN ÞIG ^S99ar
Einkaumboð I. Guðmundsson & co hf.
Símar: 24020/11999.
50
VEIÐIMAÐURINN