Arkitektúr og skipulag - 01.03.1989, Síða 45

Raðhús viðHvassaleiti 101 -113.
og óneitanlega var Gunnar boðberi hugmynda sem ekki áttu upp á
pallborðið hjá öllum. Öll erum við böm okkar tíma og vinnum okkar
verk innan þeirra takmarka sem nútíminn og framtíðin, eins og við
skynjum hana, marka. Þau gildi sem við tökum mið af breytast
stöðugt og enginn veit fyrirfram hvemig framtíðin mun dæma okkar
verk.
Gunnar Hansson hafði þá gæfu til að bera að geta komið mörgum
hugmyndum sínum um íslenska byggingarlist til framkvæmda. Fyrir
það getum við verið honum þakklát. Allt of oft skortir okkur kjark,
áræði og fylgni til þess að berjast fyrir því sem við trúum á.
Það er aðalsmerki hverrar listgreinar og ekki síst byggingarlistarinnar
að taka öllum nýjum hugmyndum, ræða þær og láta á þær reyna. f
fáum löndum erþetta mikilvægara en hér á íslandi, þar sem ekkert er
auðveldara en að byggja fflabeinsturn og láta eins og umheimurinn
sé ekki til. í hvert skipti sem við byggjum slíkan turn komum við samt
í veg fyrir að íslensk byggingarlist hljóti nauðsynlega næringu.
Allt of fáir íslenskir arkitektar áttu þess kost að skiptast á skoðunum
við Gunnar Hansson, deila með honum hugmyndum og læra af því
sem hann hafði að miðla á meðan hans naut við. Af þeim byggingum
sem hann lét eftir sig getum við hins vegar lært margt.
Gestur Ólafsson
43
ARKITEKTUR OG SKIPULAG