Arkitektúr og skipulag - 01.03.1989, Page 88

GREIÐSLU-
ERFIÐLEIKAR
HÚSBYGGJENDA OG
IBUÐARKAUPENDA
Margir þeirra, sem byggt hafa íbúðarhúsnæði eða
keypt á síðustu árum, þekkja hvað það er að lenda í
greiðsluerfiðleikúm; að eiga ekki fyrir afborgunum lána
og þurfa að taka lán til að greiða af eldri lánum.
HELSTU ÁSTÆÐUR
Ástæður greiðsluerfiöleikanna hafa verið margvíslegar. Sumir gátu ekki séð vandann fyrir. Áætlanir
þeirra brugðust vegna aðstæðna sem þeir réðu ekki við. Allt of margir hefðu hins vegar getað séð erfiðleika
sína fyrir.
BYRJAÐ Á ÖFUGUM ENDA
Stór hópur hefur lent í greiðsluerfiðleikum vegna byggingar eða kaupa sem ákveðin voru áður en þeir
fengu svar við umsókn sinni um lán frá Húsnæðisstofnun. Þetta heitir að byrja á vitlausum enda. Það er
frumskilyrði, að þeir sem þurfa lán hjá stofnuninni, taki ekki ákvarðanir um byggingu eða kaup fyrr en þeir hafa
fengið senda tilkynningu um afgreiðslutíma láns („lánsloforð").
LIFAÐ UM EFNI FRAM
Margir hafa einnig lent í greiðsluerfiðleikum vegna
þess að þeir byggðu eða keyptu allt of stórt eða dýrt húsnæði. Sumir virðast halda að málin bjargist af sjálfu
sér. Sú er sjaldnast raunin, því miður. Það er liðin tíð að það borgi sig að skulda.
Láttu það ekki henda þig, að eyða mörgum árum ævi þinnar í erfiðleika og áhyggjur
af íbúðarkaupum eða byggingu sem þú ræður engan veginn við.
FÓLK HEFUR MISST ALEIGU SÍNA VEGNA
ÞESS AÐ ÓSKHYGGJAN EIN FÉKK AÐ RÁÐA.
ÞAÐ ER EKKI EFTIRSÓKNARVERT.
ffi' RÁÐGIAFASTÓÐ
VSJL húsnæðisstofnunar