AVS. Arkitektúr verktækni skipulag - 01.12.1996, Page 19

„ÍSLAND ÁRIÐ 2018“
HUGMYNDASAMKEPPNI
UMHVERFISRÁÐUNEYTISINS OG
SKIPULAGS RÍKISINS
GREINARGERÐDÓMNEFNDAR
1. INNGANGUR
Úrslit í hugmyndasamkeppni umhverfisráðuneytis og
Skipulags ríkisins „ísland árið 2018“ liggja nú fyrir.
Alls bárust 11 tillögur sem hafa það sammerkt að
vera unnar með hag lands og þjóðar að leiðarljósi.
Eiga þær allar erindi inn í umræðu framtíðarmála hér-
lendis. Óneitanlega hefði verið fengur í fleiri tillögum,
en þær sem bárust eru þó hver með sínu sniði og
gefa að mínu mati góða mynd af þeim hugmyndum
og væntingum sem búa með þjóðinni þegar horft er
til framtíðar.
Eins og gefur að skilja þegar um jafn-umfangsmikið
verkefni sem framtíð lands og þjóðar er að ræða
sýnist sitt hverjum og vandasamt að komast að sann-
gjarnri niðurstöðu. Það er því einlæg von mín að sátt
verði um niðurstöður dómnefndar og að þær séu í
fullu samræmi við þau atriði sem hún lagði áherslu á
í keppnislýsingu.
Tillögurnar koma nú fyrir sjónir almennings og vænti
ég þess að þær veki menn til umhugsunar um skipu-
lags- og umhverfismál og geri mönnum Ijóst hve mikil-
vægt er að við áttum okkur á þeim möguleikum sem
standa til boða. það erfrumskilyrði þess að við getum
haft áhrif á okkar eigin framtíð.
Ég vil leyfa mér að færa öllum þátttakendum kærar
þakkir fyrir framlag þeirra í keppninni og einnig fyrir
það áræði að takast á við það vandasama verkefni
að draga upp mynd af framtíð íslands á nýrri öld. Ég
óska þeim sem viðurkenningu hlutu til hamingju með
árangurinn. Samstarfsfólki mínu við dómnefndarstarf-
ið færi ég bestu þakkir fyrir gott og ánægjulegt sam-
starf.
Arinbjörn Vilhjálmsson, formaöur dómnefndar.
2. AÐDRAGANDI
Árið 1921 voru fyrstu skipulagslög settá íslandi.í til-
efni þess að í ár eru liðin 75 ár frá setningu þeirra
efndu umhverfisráðuneytið og Skipulag ríkisins til
þessararhugmyndasamkeppni sem hlaut yfirskriftina
„ísland árið 2018“. Auk útbjóðenda keppninnar var
óskað eftir tilnefningu í dómnefnd frá forsætisráðu-
neytinu, Háskóla íslands og Félagi skipulagsfræð-
inga.
17