AVS. Arkitektúr verktækni skipulag - 01.12.1996, Blaðsíða 52

Caterpillar D-9. Stærsta jarðýta landsins þá. Notað við að „rippa"
hraun. Heildarfylling frá Njarðvík að Kúagerði var um 1 millj.
rúmmetrar.
Fyrsti vagnborinn notaður við sprengingu í Reykjanesbraut. Kjarni
notaður í fyrsta skipti við sprengingar.
erfitt var aö uppfylla þessar kvaðir, svo sem um
hitastig o.fl., en þá var verkiö stöðvað á meðan og
menn urðu að gera eitthvað annað. Eftirlitið var mjög
stíft.
Aðalverktakar gerðu samning við Vegagerðina um
að leggja syðri hluta Reykjanesbrautar frá Njarðvík
inn að Kúagerði. Það voru gerðir sjö samningar um
heildarrúmmál sem var 1.000.000 m3. Síðan var
samið um að Aðalverktakar steyptu veginn og fyrsti
hlutinn var framkvæmdur haustið 1962 en 1965 var
veginum lokið. Þetta er stærsta samfellda steypu-
mannvirki landsins, um 70.000 m3. Vélarnar sem
notaðar voru til að leggja niður steypuna voru þýskar
og við höfðum fylgst með þróun þeirra og notkun í
Evrópu um 5 ára skeið, þannig að töluverð reynsla
var komin á þær þegar ákveðið var að ráðast í þetta
verkefni.
Ég hef haldið því fram að það að framleiða og leggja
steypu sé ekki vísindi heldur list. Það hafa verið
steyptar þrjár steypur í veginn eftir þetta en engin af
þeim dugði í meira en eitt til tvö ár, þó voru þær allar
framkvæmdar eftir sömu verklýsingunni. Þetta er
dæmi um að steypa er meira en forskrift á blöndun.
Frumþátturinn er blöndunartækni. Þvingunarbland-
arinn gefur öruggari blöndun og það virðist vera innri
mótstaða í basaltinu sem þarf að yfirvinna. Það þýðir
að við frostsveiflur er auðveldara fyrir vatn að ganga
inn í það þegar steypan er ekki nógu þétt. Það var
eftirminnilegt að kústförin sáust í steypunni í tvö ár
eða þar til byrjað var að nota nagladekkin. Aðferðin
við lagningu Keflavíkurvegarins var nýjung. Menn
voru að stíla upp á að nota íslenskt hráefni og það
var umframframleiðsla hjá Sementsverksmiðjunni.
Það hefur sannast að á meiri háttar umferðaræðum
er steypan ódýrari til langframa.”
Guðmundur vann í 10 ár hjá Aðalverktökum en hætti
þar 1. maí 1967, en þá stofnaði hann ásamt öðrum
fyrirtækið Breiðholt hf., en fyrirtækið var stofnað af
aðilum sem valdir voru úr í forvali hjá Framkvæmda-
nefnd byggingaráætlunar.
Hvað getur þú sagt okkur frá framkvæmdum í
Breiðholti?
Við byrjuðum á að semja um 312 íbúðir í Neðra-
Breiðholti og það var kvöð um að þeim yrði lokið á
17 mánuðum. Þegar við byrjuðum var ekki búið að
hanna húsin og það voru gerðir 7 samningar í áföng-
um eftir því sem á hönnun leið.
í kjarasamningum, sem gerðir voru 1965, tók ríkis-
stjórnin að sér að skaffa 1.250 íbúðir á fimm árum
eða 250 íbúðir á ári. Félagar verkalýðsfélaganna áttu
50