AVS. Arkitektúr verktækni skipulag - 01.04.1997, Blaðsíða 16

Byggingar Öryrkjabandalags íslands viö Hátún. Arkitektar: Helgi Hjálmarsson og Vilhjálmur Hjálmarsson.
Verkfræöingur: Vífill Oddsson.
ar Landsbanka íslands og sat fulltrúi frá veðdeild
lengi vel í húsnæðismálastjórn.
HÚSNÆÐISSTOFNUN TEKUR TIL STARFA
Með lögum nr. 42 árið 1957 er Húsnæðisstofnun
ríkisins formlega stofnuð, en húsnæðismálastjórn
veitti henni forstöðu. Fyrsti framkvæmdastjóri
stofnunarinnar var Halldór Halldórsson arkitekt,
sem gegndi því starfi þar til hann lést árið 1970.
Núverandi framkvæmdastjóri, Sigurður E. Guð-
mundsson, tók við starfi Halldórs árið 1971 enáður
hafði hann gegnt stöðu skrifstofustjóra stofnunar-
innar frá árinu 1965. Verkefni Húsnæðisstofnunar
var skilgreint þannig í lögum:
„.. Að beita sér fyrir umbótum í byggingarmálum,
hafa á hendi stjórn Byggingarsjóðs ríkisins og yfir-
umsjón lánsfjáröflunar og lánveitinga til íbúða-
bygginga í landinu."
Hlutverk Byggingarsjóðs ríkisins, sem starfað hef-
ur óslitið frá 1957 hefur verið í gegnum tíðina að
veita almenn veðlán til íbúðabygginga sem og til
kaupa á nýjum og notuðum íbúðum, lán vegna
greiðsluerfiðleika, lán til viðhalds og endurbóta,
orkusparandi breytinga, lán til almennra kaup-
leiguíbúða o.fl. Grundvallarbreytingar voru gerðar
á starfsemi sjóðsins með lagabreytingum árið
1991 er hið almenna lánakerfi frá árinu 1986 var
lagt niður.
Innan Byggingarsjóðs ríkisins starfaði sérstök inn-
lánsdeild og var hennar hlutverk að varðveita og á-
vaxta skyldusparnað ungmenna. Lögin um hana
marka því upphaf skyldusparnaðar, sem var af-
numinn með lögum árið 1993. Innlánsdeildin verð-
tryggði allt skyldusparnaðarfé unga fólksins og var
það eina verðtryggingin á innlánsfé hérlendis um
áratuga skeið. Vextir á því voru hinir sömu og á al-
mennum húsnæðislánum stofnunarinnar. Enginn
vafi leikur á því að skyldusparnaðurinn var mjög
mikilvægur fyrir þúsundir ungmenna um land allt
og átti mikinn þátt í því, að ungt fólk gat keypt eða
reist sér íbúðir mun fyrr en annars staðar þekktist.
Samhliða hlutverki Húsnæðisstofnunar í bygging-
armálum var sérstök teiknistofa sett á laggirnar, en
mikill skortur var á góðum og vönduðum teikning-
um víða í landinu. Hlutverk hennar var að hanna
og selja teikningar af svonefndum „týpuhúsum",
14