AVS. Arkitektúr verktækni skipulag - 01.04.1997, Blaðsíða 22

HUSNÆÐISSTOFNUN 40 ARA
Upprifjun á sögu stofnunarinnar: Björgvin R. Hjálmarsson, Höskuldur
Sveinsson, Magnús Ingi Ingvarsson og Sigurjón Ólafsson.
egar smáíbúðalánakerfinu var breytt
og Húsnæðisstofnun tók til starfa var
fljótlega, að tilstuðlan Halldórs Hall-
dórssonar fyrsta framkvæmdastjóra
stofnunarinnar og með hvatningu nokkurra alþing-
ismanna, sett á fót teiknistofa, sem skyldi selja
teikningar á vægu verði. Utan af landsbyggðinni
komu mjög mismunandi gögn og teikningar um fyr-
irhugaðar nýbyggingar, sem gáfu of óljósa hug-
mynd um fyrirhugaða byggingu til þess að hægt
væri að lána út á þessi gögn. í fyrstu voru teikning-
ar einungis gerðar fyrir þá aðila sem leituðu til stof-
unnar. Fyrstu húsin voru raðhús og parhús sem
teiknuð voru fyrir Byggingarfélag verkamanna í
Kópavogi og nokkra einstaklinga. Fljótlega bætt-
ust við fleiri byggðarlög, eins og Neskaupsstaður.
Leitast var við að hafa teikningarnar og húsin ein-
föld í byggingu og þannig að gerð að þau hentuðu
fleirum en þeim sem teiknað var fyrir. Smám sam-
an fjölgaði teikningum að gerð þannig að hægt
varð að endurnota þær. Eftir þvísem gerðum teikn-
inga fjölgaði gafst meira tóm til að teikna hús á fyr-
irfram hugsaðar lóðir með mismunandi afstöðu til
gatna, sólar og útsýnis. Hér naut teiknistofan þess
að Halldór Halldórsson þekkti nánast öll byggðar-
lög á landinu frá fyrri tíð vegna vinnu sinnar hjá
Akuireyrarbæ og Skipulagi ríkisins og vissi vel
hvernig hagaði til á hverjum stað.
Á vordögum 1958 var þannig, að beiðni veðdeild-
ar Landsbankans, farið að teikna upp þau drög að
teikningum sem bárust með lánaumsóknum. Voru
þær oft gerðar eftir mælingum húsasmíðameistar-
anna sem byggðu húsin og í mörgum tilfellum
höfðu gert það riss sem fyrir lá. í byrjun kostaði
þessi teikniþjónusta ekki neitt, en þegar teikning-
um fór að fjölga að gerð og hægt var að endurnota
þær var farið að taka vægt gjald fyrir. Endurgjald
fyrir afnot af teikningum miðaðist aðeins við eina
notkun og var notanda óheimil hvers konar endur-
notkun, sala eða lán teikninga til notkunar fyrir
aðra.
Eitt af fyrstu húsum Húsnæöisstofnunar frá árinu 1958. Arkitekt Halldór Halidórsson.
20