Bændablaðið - 26.01.2023, Qupperneq 10

10 Bændablaðið | Fimmtudagur 26. janúar 2023
FRÉTTIR
OG VINNUM ÚR ÞEIM
LAUSNIR
TÖKUM AÐ OKKUR VERKEFNI
VHE • Melabraut 27 Hafnarfjörður • Hraun 5 Reyðarfirði
Sími 843 8804 • Fax 575 9701 • www.vhe.is • sala@vhe.is
Bláskógabyggð:
Of algengt að hestunum
sé gefinn óþverri
Margeir Ingólfsson og Sigríður
Jóhanna Guðmundsdóttir, bændur
á bænum Brú í Bláskógabyggð,
sem er staðsettur rétt við veginn
upp að Gullfossi, eru með bílaplan
við veginn þar sem ferðamenn geta
stoppað til að klappa nokkrum
hrossum, tekið myndir af þeim og
gefið þeim hestaköggla, sem fást í
sjálfsala á planinu.
Það eru þó ekki allir sem virða
það, því mörgum dettur í hug að gefa
hestunum alls kyns draslmat líka.
„Það er með ólíkindum hvað
fólki dettur í hug að reyna að koma
í hrossin. Þá erum við ekki bara
að tala um brauð, kökur, kex, epli
og gulrætur, heldur einnig hnetur,
snakk, egg, kjöt, roast beef samlokur
og í rauninni allt sem það finnur í
bílunum hjá sér. Það eru ekki bara
erlendir ferðamenn sem haga sér
svona, Íslendingar eru oft ekkert
skárri,“ segir Margeir óhress.
Hann segir að hrossin hafi ekki
vit á því hvað sé gott fyrir þau og
hvað ekki en sumt af því sem verið
er að gefa þeim getur beinlínis verið
þeim lífshættulegt.
Margeir segir að hann geti gefið
einum hesti 4-5 brauðsneiðar, honum
að meinalausu, en ef t.d. 100 manns
koma með eina brauðsneið og gefa,
þá sé hesturinn dauður.
„Meltingarvegur hrossa getur
auðveldlega stíflast ef þau éta
eitthvað óhollt eða í óhóflegu magni
en það getur dregið þau til dauða á
nokkrum klukkutímum.
Með því að bjóða upp á
hestaköggla til sölu og vona að það
sé ekki verið að gefa þeim neitt
annað, þá eru hrossin að fá fóður
sem er þeim ætlað og við höfum
yfirsýn yfir það magn sem þau fá,“
segir Margeir og bætir við:
„Það er þó allt of algengt að
hestunum sé gefinn alls konar
óþverri með tilheyrandi hættu
fyrir þau.“ /mhh
„Hestastopp“ á Brú er mjög vinsælt, bæði hjá ferðaþjónustunni og ferðamönnum á eigin vegum. Á góðum degi
eru oft um 30-40 rútur sem stoppa á planinu, ásamt 200 bílaleigubílum. Hestarnir eru mikið myndaðir og margir
kaupa hestaköggla og gefa þeim, þó það séu alltaf einhverjir innan um sem gefa alls konar óþverra. Myndir / Aðsendar
Sjálfsalinn á Brú er mjög vel merktur,
en þar er hægt að kaupa hestaköggla
til að gefa hestunum.
Margeir Ingólfsson, bóndi á Brú í
Bláskógabyggð, en um 100.000
ferðamenn stoppa hjá þeim á ári
hverju.
Nýsköpun:
Arabískt fyrirtæki fjárfestir í Atmonia
Efnafyrirtækið Sabic Agri-
Nutrients hefur keypt einkarétt
á notkun tækni Atmonia til
framleiðslu á sjálfbæru ammóníaki
í nokkrum löndum á Arabíu-
skaganum.
Í fréttatilkynningu frá Atmonia er
haft eftir Munif- Al Munif, yfirmanni
tækniþróunar og nýsköpunar hjá
Sabic An, að fyrirtækið sé sannfært
um að Atmonia muni nái að koma
vöru sinni á markað.
Sprotafyrirtækið Atmonia er
að þróa efnahvata og tæknibúnað
sem framleiðir ammóníak úr lofti
og vatni án þess að losa gróður-
húsalofttegundir. Segir í til kynning-
unni að núverandi ammóníak-
framleiðsluaðferð sé ábyrg fyrir
1-2% af koltvísýringslosun af
mannavöldum í heiminum.
Með sölu sprotafyrirtækisins
á einkaréttinum, sem nær til
landanna Sádi-Arabíu, Bahrein,
Kúveit og Óman, eykst fjárhagslegt
svigrúm fyrirtækisins til frekari
þróunarvinnu.
Guðbjörg Rist, framkvæmda-
stjóri Atmonia, segir í til-
kynningunni að fyrirtækið sé að
hefja fjármögnunarferli til að hraða
vöruþróun enn frekar, en fyrirtækið
finni fyrir mjög mikilli eftirspurn
eftir vörunni, þrátt fyrir að hún
sé enn í þróun.
Sabic er alþjóðlegt efnafyrirtæki
sem framleiðir efnavörur, málma
og plastvörur ásamt næringarefnum
til landbúnaðar á stórum skala.
Höfuðstöðvar þess eru í Sádi-
Arabíu. /ghp
Guðbjörg Rist, framkvæmdastjóri
Atmonia. Mynd /smh
Tíu ár eru síðan Ráð-
gjafarmiðstöð land-
búnaðarins (RML) var
sett á laggirnar. Af tilefni
starfsafmælisins munu
starfsmenn hennar
standa fyrir ýmsum
viðburðum á árinu.
Áramótin 2012–13 var RML
stofnað við sameiningu ráðgjafar-
þjónustu búnaðarsambanda kringum
landið og ráðgjafarsviðs Bænda-
samtaka Íslands.
„Ljóst var að verkefni hins nýja
fyrirtækis voru nokkuð frábrugðin
þeim verkefnum sem áður voru
vistuð innan búnaðarsambandanna
og Bændasamtakanna.
Þau verkefni er sneru að hags-
munagæslu, eftirliti og öðrum
verkefnum en þeim sem tilheyrðu
beint ráðgjafarþjónustu, skýrsluhaldi
eða kynbótastarfi, fluttust ekki yfir
í hið nýja fyrirtæki. RML hefur því
haft það meginhlutverk að vera
ráðgjafarfyrirtæki í landbúnaði og er
að fullu í eigu Bændasamtakanna og
þar af leiðandi bænda en hefur sem
slíkt ansi víðtækt hluverk. Auk þess
að veita bændum hlutlausa og óháða
ráðgjöf sinnir RML ráðgjöf til ýmissa
hagaðila svo sem ríkisstofnana,
r á ð u n e y t a o g
einka aðila. Við
sameininguna varð
til öflugt sameinað
fyrirtæki sem er í
stakk búið til þess að
takast á við verkefni
nútímans,“ segir Karvel
L. Karvelsson, framkvæmdastjóri
RML. Á þessu afmælisári vilji
starfsmenn fyrirtækisins blása
til sóknar og vekja athygli á því
starfi sem RML sinnir í samvinnu
við bændur.
„Stefnt er að því að halda
ráðstefnu í haust þar sem bændur og
fræðafólk kemur saman og fer yfir
það helsta í nýjungum í landbúnaði.
Að auki verða viðburðir, fundir og
kynningar umfram það sem gerist
á venjulegu ári hjá RML. Við
búumst því við spennandi ári þar
sem áhersla verður lögð á hvernig
við í sameiningu förum inn í næsta
áratug í íslenskum landbúnaði.
Viðburðirnir verða rækilega aug-
lýstir í Bændablaðinu, á rml.is og
samfélagsmiðlum.
Við hlökkum til þess að hitta
bændur sem oftast á þessum
tímamótum,“ segir Karvel.
/ghp
Ráðgjafarmiðstöð landbúnaðarins:
Tíu ára starfsafmæli
Matvælaráðuneytið:
Úrskurður MAST
felldur úr gildi
Matvælaráðuneytið hefur fellt úr
gildi úrskurð Matvælastofnunar
sem hafði stöðvað innflutning á
trjábolum.
Málavöxtu má rekja til þess
er MAST hafnaði beðni PCC
BakkaSilicon hf. um heimild fyrir
innflutningi á trjábolum með berki,
frá Póllandi, með þeim rökum
að varningurinn samanstæði af
villtum plöntum sem safnað væri
á víðavangi.
Stofnunin hélt því fram að
nytjaskógur teldist ekki sem
ræktun við sýrðar aðstæður og því
fengist ekki fullkomin vitneskja
um möguleg sníkjudýr, veirur,
sveppi og bakteríur sem gætu fylgt
sendingunum.
PCC BakkiSilicon hf. kærði túlkun
MAST til matvælaráðuneytisins
þar sem heilbrigðisvottorð fylgdu
sendingunni og að ekki væri
hægt að skilgreina trjábolina sem
„villtar plöntur sem safnað væri á
víðavangi“.
Ráðuneytið felldi úr gildi úrskurð
MAST og hefur falið stofnuninni
að taka málið til meðferðar að nýju
þar sem heilbrigðisvottorð væru til
staðar og að ekkert hafi komið fram
sem gæti bent til að þau uppfylli ekki
kröfur. /ÁL
MAST verður nú að taka aftur til
meðferðar heimild til innflutnings á
trjábolum. Mynd / Mathias Reding