Bændablaðið - 26.01.2023, Page 34

34 Bændablaðið | Fimmtudagur 26. janúar 2022
Í DEIGLUNNI
| S t r ú k t ú r e h f | w w w . s t r u k t u r . i s | s t r u k t u r @ s t r u k t u r . i s |
| B æ j a r f l ö t 9 | 1 1 2 R e y k j a v í k | S í m i : 5 8 8 6 6 4 0 |
Límtré-Timbureiningar
Stálgrind
Yleiningar
PIR
Steinull
Prentmiðlakönnun Gallup:
Sterk staða á fjölmiðlamarkaðinum
– Bændablaðið er langmest lesna blað landsbyggðarinnar
Bændablaðið trónir yfir aðra
prentmiðla í nýjum mælingum
Gallup yfir lestur blaða á lands-
byggðinni. Lestur Bændablaðsins á
höfuðborgarsvæðinu hefur aukist
og yngri lesendur bætast í hópinn.
Samkvæmt niðurstöðum lestrar-
könnunar mælist lestur Bændablaðsins
37,6% á landsbyggðinni. Blaðið
ber höfuð og herðar yfir aðra
prentmiðla þar, eins og reyndar fyrri
ár. En lestur dagblaða hefur dalað,
er 16,7% hjá Fréttablaðinu, 14,3%
hjá Morgunblaðinu og 3,6% hjá
Viðskiptablaðinu.
Samdráttur í lestri prentmiðla
Lestur prentmiðla hefur verið
að dragast saman á heimsvísu
á undanförnum árum og ára-
tugum. Prentmiðlar hér á landi
fara ekki varhluta af því.
Þegar bornar eru saman niðurstöður
hinnar nýju könnunar og niðurstöður
sambærilegrar könnunar frá árinu
2021 sést að lestur Fréttablaðsins
hefur dregist saman um 15,1% á
landsvísu, lestur Morgunblaðsins
hefur minnkað um 12,7% og hjá
Viðskiptablaðinu er samdrátturinn
7,14%. Lestur Bændablaðsins dregst
minnst saman, eða um 4,4%. Stundin
er eini miðillinn sem eykur við sig
meðallestur í könnuninni, var 8,1% á
landsvísu árið 2021 en mælist 9,8%
árið 2022.
Bændablaðið er næstmest lesna
blað landsins samkvæmt niðurstöðum
könnunarinnar, með 26% lestur
á landsvísu á meðan Fréttablaðið
mældist með 28,2%.
Könnunin var framkvæmd á
síðasta ársfjórðungi ársins 2022
en um áramótin breyttist dreifing
Fréttablaðsins og er nú hætt að bera
það út á heimili fólks og liggur
þess í stað frammi á 120 stöðum á
suðvesturhorni landsins. Bændablaðið
liggur frammi á 420 stöðum, hringinn
í kringum landið.
Aukinn lestur Bændablaðsins
í höfuðborginni
Lestur prentmiðla sem útgefnir
eru sjaldnar en vikulega auka við
sig lestur á höfuðborgarsvæðinu á
meðan lestur miðla sem gefa oftar
út minnkar milli ára.
Stundin eykur lesturinn á
höfuðborgarsvæðinu úr 8,8% í
10,8% og Bændablaðið úr 19 í
19,5%. Á meðan minnkar lestur
Fréttablaðsins úr 36,9% í 34,6%
og Morgunblaðið úr 20,9% í 19,7%.
Mest lesið meðal
heldri landsmanna
Karlar eru enn líklegri til að lesa
Bændablaðið en konur, en 31,1%
karlmanna lesa blaðið og 20,8%
kvenna. Athygli vekur þó að
þegar yngsti aldurshópur lesenda
er skoðaður, 12-19 ára, þá víxlast
kynjamunurinn, en 33% fleiri
stúlkur en drengir lesa Bændablaðið
í þeim aldursflokki.
Eldri aldurshópar eru tryggustu
lesendur blaðsins, en 50,6% lesenda
á aldrinum 60-80 ára lesa Bænda-
blaðið. Þegar aldursflokkurinn
51-65 ára er skoðaður þá er lestur
Bændablaðsins mestur á landsvísu,
alls 38,3%, á meðan lestur
Fréttablaðsins er 36,6%.
Aukinn áhugi yngri lesenda
Lestur yngri aldurshópa á Bænda-
blaðinu hefur einnig aukist verulega
milli ára. Meðallestur á landsvísu
í aldurshópnum 12 – 24 ára fór úr
7,2% í 8,7%. Á meðan dróst lestur
Fréttablaðsins og Morgunblaðsins
saman í sama aldursflokki.
Lestur vefsíðu Bændablaðsins
hefur einnig aukist verulega á
síðastliðnum sex mánuðum og
ekki síst eftir að blaðið fór að miðla
efni sínu á samfélagsmiðlinum
Instagram. Má þar meðal annars
sjá myndbönd sem tengjast
efnistökum blaðsins sem vakið hafa
verðskuldaða athygli.
Vinsælla en Mogginn í
Kraganum
Athyglisvert er að skoða lestur
miðlanna eftir kjördæmum.
Bændablaðið er langvinsælasti
prentmiðill Suðurkjördæmis,
Norð-austurkjördæmis og Norð-
vestur-kjördæmis. Blaðið hefur enn
fremur tekið fram úr Morgunblaðinu
í Reykja-víkurkjördæmi suður og í
Kraganum. Endurspeglar það aukinn
áhuga borgarbúa og nærsveitunga á
efni blaðsins.
Einstakt á heimsvísu
Það heyrir til undantekninga á
heimsvísu að landbúnaðarmiðaður
prentmiðill sé meðal stærstu
fréttamiðla hjá einni þjóð. Niður-
stöðurnar sýna, svo ekki verður
um villst, að staða Bænda-
blaðsins á íslenskum fjölmiðla-
markaði er sterk og stöðug.
Efnistök blaðsins ná til sífellt
fjölbreyttari lesendahóps og er
oft uppspretta annarra fjölmiðla,
enda er blaðið leiðandi í um-
fjöllun um mikilvæg málefni sem
tengjast búskaparháttum, matvæla-
framleiðslu og fæðuöryggi.
Í prentmiðlakönnun Gallup
er lestur dagblaða mældur með
samfelldum hætti. Um 30 svörum
er safnað á hverjum degi, eða 2.500
svörum á ársfjórðungi.
Í úrtakinu eru Íslendingar á
aldrinum 12–80 ára af landinu öllu.

/ghp
Blaðið ber höfuð og herðar yfir aðra prentmiðla á landsbyggðinni. Þegar horft er til eldri aldurshópa er Bændablaðið mest lesið á landsvísu.
Bændablaðið er næst mestlesni prentmiðill landsins skv. könnuninni sem
framkvæmd var á síðasta ársfjórðungi ársins 2022.
Aukinn lestur á höfuðborgarsvæðinu endurspeglar áhuga borgarbúa á
efnistökum Bændablaðsins.
Land og skógur:
Frumvarpsdrög í samráðsgátt
Drög að frumvarpi til laga um
sameiningu Skógræktarinnar og
Landgræðslunnar hafa verið birt
í samráðsgátt stjórnvalda.
Í frumvarpinu er lagt til að
sameiginlega stofnunin heiti Land
og skógur. Skila má inn umsögnum
um drögin til 1. febrúar.
Samkvæmt frumvarpsdrögunum
á nýja stofnunin að hafa eftirlit með
framkvæmd laga um landgræðslu
og skógrækt og annast daglega
stjórnsýslu í samræmi við þau lög
og annan lagabókstaf sem stofnunin
starfar eftir.
Stuðla að eflingu, verndun
og endurheimt auðlinda
Í frumvarpsdrögunum segir að: „Land
og skógur skal með starfsemi sinni
vinna að landgræðslu og skógrækt
og stuðla að eflingu, verndun og
endurheimt á auðlindum þjóðarinnar
sem fólgnar eru í jarðvegi, skógum
og öðrum gróðri í samræmi við lög
og stefnu stjórnvalda, bestu þekkingu
og alþjóðleg viðmið.“Aðdragandi
frumvarpsins um sameininguna er að
matvælaráðherra skipaði starfshóp
til að greina rekstur stofnananna,
eignaumsýslu og samlegð faglegra
málefna og vinna áhættugreiningu.
Skýrslu var skilað 3. október
síðastliðinn með þeirri niðurstöðu
að fagleg og rekstrarleg rök væru
fyrir sameiningunni.
Ráðherra ákvað því að leggja
sameiningu til og í frumvarps-
drögunum er lagt til að heiti nýrrar
stofnunar verði Land og skógur.
Aðalskrifstofa stofnunarinnar getur
verið á hvaða starfsstöð hennar sem
er samkvæmt frumvarpsdrögunum,
en ekki er gert ráð fyrir að forstöðu-
maður hafi aðsetur á höfuðborgar-
svæðinu. Drögin sem liggja fyrir að
lögum um nýja stofnun, Land og
skóg, eru til umsagnar í samráðsgátt
stjórnvalda fram til 1. febrúar.
Ef lögin öðlast gildi er ráðherra
heimilt að skipa forstöðumann
nýrrar stofnunar sem hefur leyfi
til að undirbúa starfsemi hennar
í samráði við skógræktarstjóra
og landgræðslustjóra, allt þar
til stofnunin tekur til starfa við
gildistöku laganna 1. janúar 2024.
/VH
Þú finnur Bændablaðið
á bbl.is, Facebook & Instagram
Land og skógur skal með starfsemi sinni vinna að landgræðslu og skógrækt
og stuðla að eflingu, verndun og endurheimt á auðlindum þjóðarinnar.
Mynd / Myndasafn Bændablaðsins.