Bændablaðið - 09.03.2023, Blaðsíða 7

7Bændablaðið | Fimmtudagur 9. mars 2023
LÍF&STARF
Mannlíf á búgreinaþingi Sá velmetni sálnahirðir, sr. Hjálmar
Jónsson, gaf nýverið út ljóðabók sína,
Stundum verða stökur til.
Titill bókarinnar vísar í fyrstu vísu
bókarinnar:
Andagift ég ekki skil
eða þekki.
Stundum verða stökur til
og stundum ekki.
Ljóðabókin er með þeim læsilegri sem
ég hef litið, skemmtanagildið órækt og
framsetning efnisins frábær.
Í bland við ljóð og lausavísur eru
skemmtilegar sögur sem lífga upp
á ljóðamálið. Hjálmar er afskaplega
frumlegur og fundvís á efnistök.
Þann 5. febrúar sl. flutti sr. Hjálmar
predikun í Bústaðakirkju og upphaf
ræðunnar var bundið í limruform. Hér
á eftir fer limran, hollt hverjum sem
hlýðir:
Bústaðakirkju með brag
best er að heilsa í dag.
Hér er söngvarasveit
og sálin er heit
í kantor sem kann sitt fag.
Þú kominn ert kirkjunnar til
með kórsöng og orgelspil
og klerka í stuði
með kærleikans Guði,
þar er yndislegt allt, hér um bil.
Söfnuðinn sannlega þekkjum
er situr á kirkjunnar bekkjum.
Vel er hér mætt
og margt verður rætt
áður en aftur heim strekkjum.
Kantorsins kynning er traust
og klerkurinn tónar við raust.
Miskunn og mildi
eru mest lofuð gildi
og málið er bundið og laust.
Einkum er innihald bragsins
efnið í guðspjalli dagsins.
Það er talentan þín
og talentan mín
sem við fengum til lífsferðalagsins.
Þú fékkst heilmikla hæfileika,
þú átt hliðina sterka- og veika.
Styrktu hið besta,
stöðva þitt versta
og þá muntu réttlættur reika.
Teldu nú talentur þínar,
við þá talningu óðar þér hlýnar.
Þú ert máttug og sterk,
þú ert meistaraverk
með eigindir allar svo fínar.
Til að fullnusta efnið, þá birti ég efni
úr bók sr. Hjálmars. Einhverju sinni
var Hjálmar fenginn til veislustjórnar í
Árgarði hjá Lýtingum, en samtímis var
Ómar Ragnarsson á leið til skemmtunar
í Ljósheimum hjá Skarðshreppsbúum.
Þegar Hjálmar sá norður af
Holtavörðuheiði hringdi hann í Ómar:
Á Holtavörðuheiði syng
og hef ei neins að sakna.
Horfi ég yfir Húnaþing
og hendingarnar vakna.
Mínútu síðar hringdi Ómar í Hjálmar:
Er horfi ég yfir Húnaþing
hugurinn fer að slakna.
Bíllinn snýst í hálfan hring
af hendingu ég vakna.
Eftir einmuna blíðu í tíðarfari undanfarið,
þá bregður svo við að kafahríð er á
glugga þá þetta er skráð.
Vel á því við að birta þessa vísu sem
sr. Hjálmar orti við áþekkar aðstæður:
Hríðin af krafti hefur nú
hurðirnar allar barið.
Veikist og dofnar von og trú,
vorið er komið - og farið.
Umsjón:
Árni Geirhjörtur Jónsson
kotabyggd1@gmail.com
MÆLT AF
MUNNI FRAM
Brynjar Þór Vigfússon, bóndi í Gilhaga í Öxarfirði, tók við formennsku
í deild geitfjárbænda af Önnu Maríu Flygenring í Hlíð.
Jónas Vigfússon, í Litla-Dal í Eyjafirði, sló á létta
strengi eftir þrumandi ræðu í pontu á fundi búgreina-
deildar hrossabænda.
Um 200 bændur tóku þátt í búgreinaþingi Bændasamtaka Íslands sem
fór fram dagana 22. og 23. febrúar á Hótel Natura.
Kristinn Guðnason, Nanna Jónsdóttir og Sveinn Steinarsson eiga það sameiginlegt að hafa verið eða vera í hlutverki for- manns hrossabænda.
Ný stjórn og varastjórn nautgripabænda BÍ. Reynir Þór Skúlason,
Guðrún Eik Skúladóttir, Bessi Freyr Vésteinsson, Rafn Bergsson,
Sigurbjörg Ottesen, Sigrún Hanna Sigurðardóttir, Magnús Örn
Sigurjónsson og Atli Már Traustason.
Nautgripabændur samþykkja ályktun einróma.
Unnsteinn Snorri Snorrason verkefnastjóri BÍ. kynnir Steingrím J.
Sigurðsson í pontu.
Halldóra K. Hauksdóttir, nýkjörinn formaður búgreinadeildar eggjabænda og Halla Eiríksdóttir, stjórnarmaður BÍ.
Hlynur Gauti Sigurðson, sérfræðingur í umhverfismálum hjá BÍ og
Jóhann Gísli Jóhannsson, formaður búgreinadeildar skógarbænda.
Sigrún Hrönn Þorsteinsdóttir og Sighvatur Jón
Þórarinsson, fráfarandi stjórnarmenn skógarbænda.