Þingtíðindi Alþýðusambands Íslands ... - 24.11.1980, Qupperneq 12

Jón Hannesson, formaður launamálaráðs BHM, ræddi um samstöðu
launafólks frá því í mars 1978 og væri það lýsandi dæmi hverju verður áork-
að ef vel er að staðið. Bar kveðjur BHM og þá sérstaklega þeirra er vinna
hjá ríkinu.
Böðvar Magnússon, SÍB, færði þinginu árnaðaróskir og kveðjur. Óskaði
að þingið gerði stefnumörkun sem yrði fulltrúum til gcðs og landsmönnum
öllum.
Ingólfur Stefánsson, framkvæmdastjóri FFSÍ, flutti kveðjur til þingsins
frá stjórn FFSÍ með ósk um allt gott og góðan árangur. Sagði hann að góð
samvinna hefði tekist milli ASI og FFSI. Ræddi samninga farmanna, sem
staðið hafa síðan í mars. Vonar að þingið marki stefnu er megi vera launa-
fólki til framdráttar.
Peter Coldrick, Alþýðusambandi Eyrópu, þakkaði boðið og taldi þarft að
kynna sér hvernig íslendingar stæðu að mótun efnahagsmála, þar sem þeir
byggju við fulla atvinnu. Einnig ræddi hann um smðning íslendinga gegn
atvinnuleysi og að hver sú stefna væri röng sem stuðlaði að atvinnuleysi.
Thomes Nielsen, formaður danska alþýðusambandsins, þakkaði boðið fyr-
ir öll Norðurlöndin og sagði að gott samstarf væri á milli þeirra, sem væri
nauðsynlegt vegna smæðar landanna og væri samstarf þar af leiðandi nauð-
synlegra en hjá flestum öðrum þjóðum. Einnig ræddi hann um að atvinnu-
leysi væri mikið í Danmörku.
ÓIi Jakobsen, Föroya fiskimannafélag, þakkaði boðið og sagði þetta vera
3ja sinn er hann sæti ASI-þing. Ræddi samstöðu þjóðanna í fiskimálum og
bar þinginu kveðjur frá fiskimannafélagi Færeyinga og von um gott sam-
starf í framtíðinni.
Snorri Jónsson þakkaði ávörpin og síðan las hann heillaskeyti frá
AUCCTU, Alþýðusambandi Sovétríkjanna, til þingsins:
„Miðstjórn Alþýðusambands Sovétríkjanna flytur fulltrúum á 34. þingi
Alþýðusambands íslands vináttukveðjur. Við óskum samtökum ykkar árang-
urs við lausn þeirra viðfangsefna, sem íslensk verkalýðshreyfing fæst við í
dag. Við treystum því að þau góðu samskipti sem verið hafa milli samtaka
okkar muni eflast í framtíðinni til hagsbóta fyrir verkafólk í löndum okkar
og geti þannig orðið til að efla vináttu og treysta gagnkvæman skilning
þjóða okkar."
10