Þingtíðindi Alþýðusambands Íslands ... - 24.11.1980, Page 44

Ályktanir þingsins
FRÁ NEFND UM ATVINNULÝÐRÆÐI OG TÖLVUMÁL
Þingskjal nr. 35
Álykiun um atvinnulýðræSi
34. þing ASÍ leggur áherslu á að mörkuð verði sjálfstæð stefna verkalýðs-
samtakanna um atvinnulýðræði og knúið verði á um aukin áhrif og völd
verkafólks í atvinnulífinu.
Þingið leggur til að miðstjórn kjósi 10 manna starfshóp, sem safni sem
gleggstum upplýsingum um reynslu annarra þjóða af áhrifum verkafólks á
vinnuumhverfi, stjórn og eignaraðild að atvinnufyrirtækjum og undirbúi
ályktunardrög um málið.
Starfshópurinn skili niðurstöðum ekki síðar en 1. nóvember 1981 og gefi
miðstjórn þær út og sendi til allra verkalýðsfélaga innan ASÍ fyrir áramót
1981.
Miðstjórn ASÍ boði í mars til apríl 1982 til ráðstefnu, þar sem grundvöll-
ur verði lagður að stefnumörkun ASÍ varðandi atvinnulýðræðið.
Þingskjal nr. 36
Ályktun um tölvumál
Starfsnefnd 34. þings ASI um atvinnulýðræðis- og tölvumál leggur til við
þingið að miðstjórn ASÍ skipi þegar að loknu þingi 5 manna nefnd sem
undirbúi 2ja daga ráðstefnu um tölvumálin þar sem fengnir verði aðilar utan
og innan hreyfingarinnar til að hafa framsögu um málið. Ráðstefnan verði
haldin á fyrsta ársfjórðungi ársins 1981 og sé ætlað að marka stefnukröf-
gerð verkalýðshreyfingarinnar í tölvumálum, þar sem lögð verði höfuð-
áhersla á áhrif verkalýðshreyfinagrinnar í þessum málaflokki.
42