Þingtíðindi Alþýðusambands Íslands ... - 24.11.1980, Qupperneq 49

Ef nefna skal aðeins tvö veigamestu verkefnin er hið fyrra Félagsmála-
skóli alþýðu, sem háð hefur 12 annir til viðbótar þeim 4, sem lokið var fyrir
síðasta þing. Þessi námskeið Félagsmálaskólans hafa skipst þannig frá því
hann tók til starfa 1975: 11 1. annir, 4 II. annir og 1 III. önn. Á þessum 16
önnum hafa 299 þáttakendur notið skólavistar.
Síðara verkefnið, sem hér skal nefnt sem annað við veigamesta er trún-
aðarmannanámskeiðin. Fullyrða má að framkvæmd þeirra geti einnig skipt
sköpum um framtíð og gildi fræðslustarfsins. En eins og kunnugt er komu
ákvæðin um rétt trúnaðarmanna á vinnustöðum, til þess að sækja viku nám-
skeið einu sinni á ári með fullum daglaunum, inn í heildarsamninga verka-
lýðsfélaganna 1977. Ennfremur rétturinn til fundarhalda á vinnustað. Þessi
réttindi kalla bæði á stóraukið starf og skilning verkalýðsfélaganna og
fiæðslusamtaka þeirra, því þeim þarf að sinna öllum stundum og ná á hverju
ári tii trúnaðarmanna á vinnustöðum í landinu öllu. Samkvæmt samningun-
um 1977 hafa nú 650 manns frá 63 verkalýðsfélögum sótt trúnaðarmanna-
námskeið.
Þegar metið er gildi þessara þátta og annarra í fræðslustarfinu er að sjálf-
sögðu margt sem til greina kemur. Sjálfsagt er t. d. að geta þess að aukist
hefur allverulega fjárstuðningur hins opinbera til fræðslumála verkalýðs-
hreyfingarinnar hin síðari ár. Erfitt reynist þó að halda í við verðbólguna.
Þegar metinn er árangur undanfarinna ára í fræðslustarfinu er rétt að
leggja áherslu á að traustara samstarf hefur náðst en fyrr við frceðslusamtök
verkalýðshreyfingar nágrannalandanna. MFA hefur t. d. á síðustu fjórum ár-
um tekið þátt í nokkrum mikilvægum samnorrænum verkefnum, sem hafa
fært því dýrmæta reynslu og má þar t. d. nefna menningardagana „Maðurinn
og hafið" í Vestmannaeyjum 1978 og „Vinna, umhverfi, frístundir" á Akur-
eyri 1980.
Þingið telur að lagður hafi verið góður grunnur að mikilvægu norrænu
samstarfi, sem full ástæða er til að auka og færa út til hins almenna félaga,
enn frekar en gert hefur verið til þessa. í þessu skyni bendir þingið á eftir-
farandi sem æskileg norræn samstarfsverkefni:
1) Námsferðir, eða aðrar leiðir til að auka tungumálakunnáttu, svo það
verði hlutgengara í slíku samstarfi.
2) Gagnkvæm kynning á aðstöðu og starfsháttum trúnaðarmanna á Norð-
urlöndum.
3) Kynning á fræðslu- og félagsmálastarfi verkalýðssamtakanna í jaðar-
byggðum Norðurlanda.
47