Ský - 01.12.2000, Blaðsíða 19

FYRST & FREMST
AÐ EILÍFU
í bakhúsi við Laugaveginn er að finna
sannkallaðan Aladdínshelli, búðina Aururn,
en þar gefur að líta frábærlega hannaða
skartgripi og fatnað eftir tvo unga og hæfi-
leikaríka hönnuði.
Skartgripahönnuðurinn Guðbjörg Kr.
Ingvarsdóttir skapar ntjög frumlega og fal-
lega hluti hannaða úr gulli, silfri og stein-
um, allt undir áhrifum íslenskrar náttúru.
Guðbjörg vann verðlaun fyrir gripi sína
fyrr á árinu í hönnunarkeppninni „Spirit of
the North“ sem haldin var í Sankti Péturs-
borg.
Nútímaleg og kvenleg föt Bergþóru
Guðnadóttur skapa fullkomna umgjörð um
þessa fínlegu skartgripi. Hönnun Bergþóru
er samsett úr hreinum, einföldum línum í
jarðarlitum og hún notar náttúruleg efni
eins og bómull og íslenska uil.
Stöllurnar í Aurum voru nýlega í New
York við opnun sýningar á norrænni hönn-
un í Norræna húsinu (Scandinavian House)
sem opnað var í byrjun nóvember. Skart-
gripir og föt þeirra höfðu verið valin til
sýningarinnar og vöktu þar mikla athygli.
Sýningin stendur yfir fram í janúar en ferð-
ast svo til ýmissa borga innan Bandaríkj-
anna.
Bergþóra og Guðbjörg eru um þessar
mundir að vinna að nýju verkefni fyrir
brúði hinnar nýju aldar. Saman hafa þær
skapað „öðruvísi" brúðarlínu þar sem kjól-
amir eru einfaldir og framúrstefnulegir og
íburðarmikið höfuðskraut fellur eins og
fléttur niður eftir líkamanum eða er vafið í
belti í um mittið. í stað silkis og gulls nota
þær bómull og silfur.
„Við vildum sýna eitthvað nýtt, eitthvað
óvenjulegt - sýna að það væri hægt að gera
eitthvað annað en þessa hefðbundnu brúð-
arkjóla og skart,“ segir Guðbjörg.
Einnig verður Aurum með samkvæmis-
klæðnað á næstunni þar sem föt og skart
mynda eina heild. AMB
Aurum, Laugavegi 27
101 Reykjavík,
sími 551 -2770
Ský
I7