Ský - 01.12.2000, Blaðsíða 41

Já, of harður stundum. Ég held að það sé arfgengt í
minni fjölskyldu. Við förum oftast illa með okkur með
einum eða öðrum hætti.
Fyrst þú ert meðvituð um þetta, af hverju slakarðu
þá ekki aðeins á taumunum?
Ég er alltaf að reyna það en árangurinn er ekkert sér-
stakur. Ég vona að mér takist að draga mig í hlé tiltölulega
ung og einhvers staðar í draumum mínum sé ég fyrir
mér lítinn kofa í Suður-Evrópu sem gaman væri að nota
í ellinni.
Tiltölulega ung segirðu. Stendur þá ekki til að
verða fyrsta konan til að gegna forsætisráðherra-
embættinu?
Ég stefni ekki að neinum embættum því eins og ég sagði
áðan þá eru þau ekki markmið í sjálfu sér. Ef ég teldi á
einhverjum tímapunkti að ég næði árangri í starfi for-
sætisráðherra og gæti breytt einhverju eða bætt mundi
ég athuga málið.
Ertu leiðtogi?
Það er enginn leiðtogi öllum stundum. Leiðtogi er ekki
hlutverk eða embætti. Stundum er ég leiðtogi og það
er þegar mér tekst að fá fólk með mér til að ná fram
breytingum. Oft er ég ekki leiðtogi og oftast er ég ekki
leiðtogi því enginn getur sífellt verið að ná fram þessum
breytingum.
Komin af alþýðufólki
Fékkstu mikla hvatningu og athygli frá foreldrum
þínum í æsku?
Já, alveg ofboðslega mikla og kannski helst til of mikla.
Áttu við að til þín hafi veríð gerðar miklar vænt-
ingar?
Já, mjög miklar væntingar.
Segðu mér frá fjölskyldunni þinni.
Ég er komin af alþýðufólki og á fimm systkini alls, þar af
fjögur á lífi. Pabbi stundaði sjóinn og var síðan verkstjóri
í frystihúsi og hann lagði hart að sér til að sjá fjölskyld-
unni farboða. Ég man ekki til þess að mig hafi skort neitt
enda held ég að foreldrar mínir hafi oft gert meira fyrir
mig en þau í raun höfðu efni á.
Dauðinn hefur tekið eitt ykkar systkinanna?
Já, Sigurður bróðir minn, sem var sjö árum eldri en ég,
lést eftir ofneyslu fíkniefna haustið 1993. Við vorum
miklir vinir og mjög náin. Hann kenndi mér margt eins
og að tefla og lesa.
Hafði hann lengi verið ofurseldur vímuefnum?
Já, talsvert lengi og hafði áður fjarað út en verið lífgaður
við. Þetta var því eitthvað sem maður átti alltaf von á og
óttinn sveif yfir fjölskyldunni eins og þrumuský. En það
var ótrúlega erfitt að standa frammi fyrir missinum þegar
á reyndi því maður hélt alltaf í vonina.
Kenndi þessi lífsreynsla þér eitthvað sem þú hefur
getað nýtt þér?
Já, en ég er kannski ekki farin að nýta hana nógu mikið.
Þegar þetta gerðist var ég nýlega orðin framkvæmda-
stjóri þingflokks sjálfstæðismanna. Ég var sem fyrr segir
fyrsta konan og yngsti einstaklingurinn til að gegna
þessu starfi og ég var ákveðin í að standa mig vel. Því
mætti ég vel, sinnti starfinu heils hugar og reyndi að
gera mitt besta, sem meðal annars leiddi til þess að ég
vanrækti bróður minn hans síðustu daga og vikur. Þegar
maður stendur frammi fyrir því að hafa tekið vinnuna
fram yfir náinn ættingja og fer að kryfja málin eftir á
segir maður við sjálfan sig að þetta geri maður aldrei
aftur. Og þótt ég vinni mikið í dag ætla ég að reyna að
passa mig á því að gleyma aldrei þeim sem standa mér
næst.
Dálítið dýru verði keypt þessi reynsla?
Já, ég hef oft hugsað til þess og finnst ég kannski ekki
lifa nógu mikið eftir þessu þótt ég sé að fullu meðvituð
um að gera mitt besta.
Hvernig umgengstu sjálf vín og tóbak?
Ég hef aldrei tekið smók af sígarettu á ævinni og drekk
ekki heldur. Fleiri í fjölskyldunni hafa átt við vímuefna-
vanda að stríða og þegar ég var sex ára lofaði ég móður
minni því að ég mundi aldrei reykja, drekka eða stela.
Þegar ég fann hversu þessi orð mín skiptu mömmu miklu
máli var þetta bara ákveðið þar með og ég hef reynt að
standa við loforðið enda er ég sannfærð um það sjálf að
það er ekki eftir neinu að slægjast á þessum vettvangi.
Skiptir útlit máli í pólitík?
„Já, aö einhverju leyti vegna
þess að útlit er hluti af
ímynd og getur sagt fólki
ýmislegt um það hvers
konar karakter maður er,"
Námið í Harvard
Þú fórst í Harvard sem er einn virtasti háskóli ver-
aldar. Var gaman?
Þetta er ótrúlegur skóli og ekki bara skóli heldur lífsstíll.
Ég hafði lengi haft áhuga á að fara út í nám og ákvað að
sækja um inngöngu í Harvard ásamt manninum mínum
þótt það hvarflaði aldrei að okkur að við kæmumst bæði
inn. Hann fór svo í lagadeildina og ég í mastersnám í op-
inberri stjórnsýslu.
Hvernig er Harvard í samanburði við Háskóla
íslands?
í Harvard er þátttaka nemenda undirstaðan í hverri
kennslustund. Þeir undirbúa sig vel heima og mæta svo í
tíma þar sem kennari stjórnar umræðum í stað þess að
halda fyrirlestur. Umræður eru þannig að stórum hluta
samræður nemenda og kennara og einkunn byggist að
mestu leyti á frammistöðunni í tímum. Einnig eru stöðug
próf og mikið af verkefnum sem byggjast á veruleikan-
um. í Háskóla íslands fólst námið í því að maður mætti,
sat og hlustaði. Síðan tók maður ritgerðarpróf og þeir
sem fengu hæstu einkunnirnar voru iðulega þeir sem
voru bestir í að hafa það eftir sem kennarinn hafði sagt
um veturinn.
Menn leggja mikið á sig til að komast inn í Harvard
j39