Ský - 01.12.2000, Blaðsíða 32

Sigrún
Ólafsdóttir,
húsmóðir.
* Ef þú gætir breytt einum hlut í þjóð-
félaginu í dag, hvað myndi það vera?
„Ég myndi reyna að finna einhverja
lausn í kjarabaráttu kennara. Það væri
gott ef hægt væri að semja við þá til
nokkurra ára."
*Hver er merkasta konan á íslandi í
dag og af hverju?
„Björk Guðmundsdóttir er hörkudug-
leg kona sem hefur farið ótroðnar
slóðir á sínum forsendum. Hún hefur
auglýst landið beint frá hjartanu enda
mikill Islendingur í sér."
*Hver er merkasti karlmaður á íslandi í
dag og af hverju?
„Davíð Oddsson vegna þess að hann er
frábær stjórnmálamaður, hann þorir
að taka ákvarðanir og þolir að sumir
skari fram úr. Það er heldur ekki verra
að menn hafi smáhúmor."
* Aðeins örlítil prósenta kvenna er for-
stjórar hjá íslenskum fyrirtækjum. Er
okkur sama?
„Ég held að þær konur sem viljia verða
forstjórar geti orðið það og séu það.
Margar okkar hafa hins vegar sóst
meira eftir því en karlar á okkar heim-
ilum, þar sem við viljum að okkar
kokkabókum sé fylgt. Vandinn er hjá
okkur sjálfum, við þurfum að gefa
dætrum okkar skýr skilaboð og vitna í
texta Grýlnanna, „að vera forstjóri,
ekkert mál". "
*Hvað finnst þér um stöðu umhverfis-
mála á islandi?
„Við eigum land sem er engu líkt, það
er ósnortið og fallegt. Við verðum að
vernda það með öllum ráðum. Stönd-
um vörð um náttúru landsins og forð-
umst slysin."
*Finnst þér íslendingar vera fordóma-
fullir gagnvart öðrum kynþáttum?
„Ég held að allir landsmenn hefðu gott
af því að búa erlendis tímabundið til
að sjá hvað við höfum það gott hérna
heima. Það eru sjálfsagt einhverjir for-
dómar hér gagnvart öðrum kynþáttum
eins og víða annars staðar en almennt
held ég að fólk átti sig á því að landa-
mærunum fækkar."
*Hvað finnst þér um rétt samkyn-
hneigðra til að ala upp börn?
„Eru þeir ekki alveg jafnhæfir til þess
eins og aðrir? Fjölskyldumynstrið hefur
breyst mikið á síðustu árum, hér áður
var alltaf talað um vísitölufjölskylduna,
núna er eitthvað allt annað í gangi."
*Þurfa karlmenn meira á konum að
halda en konurá karlmönnum?
„Ég get nú ekki séð það í kringum mig
en þessu er hins vegar oft haldið
fram."
*Myndir þú íhuga að lögleiða sölu á
áfengi annars staðar en í Ríkinu?
„Fyrst að hægt var að treysta okkur
fyrir að drekka bjór í stað vodka þá
held ég að okkur sé treystandi fyrir
áfengiskaupum eins og tíðkast allt í
kringum okkur."
30 I Ský