Ský - 01.12.2000, Page 39

gefandi ef maður er að vinna með þroskuðum einstak-
lingum og góðu fólki sem vill láta gott af sér leiða.
Frú bæjarstjóri
Ertu hugrökk?
Já, ég er hugrökk og stundum er ég jafnvel of frökk.
Er eitthvað sem þú treystir þér ekki til að gera?
Ég finn auðvitað fyrir kvíða af og til, sérstaklega þegar
ég fæst við eitthvað vandasamt í fyrsta sinn. Ég treysti
mér samt nánast alltaf í hlutina og trúi því að á endan-
um ég klári þá ágætlega.
Aldrei verið hrædd við höfnun?
Ég hef pælt svolítið í þessu. Eitt sinn sat ég með tveimur
mönnum sem ég met mikils og rætt var um tilfinningar.
Þeir sögðu báðir að versta hugsanlega tilfinningin væri
höfnun. Ég hafði aldrei hugsað út í þetta. Kannski vegna
þess að ég hef aldrei skilgreint eigin tilfinningar sem
vanlíðan vegna höfnunar, en kannski vegna þess að ég
kann ekki að greina höfnun þegar hún á sér stað.
Hefurðu fundið fyrir því að fólk taki þig ekki alvar-
lega sökum þess hve þú ert ung?
Nei, en það getur vel verið að svo sé án þess að ég átti
mig á því.
Það var umdeilt þegar þú varst ráðin bæjarstjóri í
Garðabæ. Finnurðu fyrir andúð eða stuðningi bæjar-
búa í dag?
Ég skynja frekar stuðninginn og er þakklát fyrir gott
samstarf við Garðbæinga.
Getur verið að þú sért of ung til að vera bæjar-
stjóri?
Nei, það hvort fólk valdi starfi sínu eða nýtur trausts
hefur ekkert með aldur að gera. Áhugi, reynsla, vilji til
að vinna með öðrum og þroski til að viðurkenna að
maður viti ekki allt skiptir miklu meira en hvort maður
er þrítugur eða sextugur.
Heldurðu að karlar óttist að þú sért ofjarl þeirra?
Ég hef aldrei upplifað það.
Finnst þér á einhvern hátt minnkun að því fyrir
karlmann að vera heimavinnandi húsfaðir eða
tekjuminni en eiginkonan?
Nei, alls ekki. Vandasamasta verkefni lífsins er uppeldis-
eða foreldrahlutverkið. Þú spurðir mig áðan hvort ég
treysti mér til alls. Við nánari umhugsun mundi ég ekki
treysta mér til þess að eignast barn núna vegna þess að
það er erfiðasta hlutverk mitt til þessa og það hlutverk
sem ég hef minnst sjálfstraust í. í móðurhlutverkinu veit
ég aldrei hvort ég er að gera rétt eða rangt og það eru
aldrei neinir kjósendur sem kjósa um hvort maður eigi
að halda áfram að vera mamma eða ekki og aldrei nein
einkunnagjöf þar um.
Það hlýtur að vera strembið að sameina móðurhlut-
verkið og annasamt starf sem bæjarstjóri. Hvernig
er dæmigerður dagur í lífi þínu?
Vinnudagurinn er oft erilsamur. Ég fer yfirleitt út klukkan
átta á morgnana og eftir að ég tók við starfi bæjarstjóra
12. október hef ég í fyrsta lagi komist heim klukkan sex,
þá átt samverustund með fjölskyIdunni og farið aftur að
vinna eftir kvöldmat. Oft hef ég samt ekki komist heim
fyrr en eftir að börnin eru sofnuð.
Ertu sátt við þetta?
Nei, ég er ekki sátt við að komast ekki heim seinni partinn
Ský
37