Ský - 01.12.2001, Qupperneq 18

Frikki með konunum í Kaupfélaginu; frá vinstri: Adda, Alma og Lena.
ÞÚ FÆRÐ ALLT í KAUPFÉLAGINU
Nýjasti veitingastaöur höfuöstaöarins er Kaupfélagið við Laugaveg
3, þar sem Búnaöarbankinn var áður til húsa um árabil. Maöurinn
á bakvið staðinn er þúsundþjlasmiöurinn Friðrik Weisshappel, en
eins og hann útskýrir er veitingastaður í raun alls ekki réttnefni á
því hvað Kaupfélagið er. „Það er ekki hægt að opna stað með
þessu nafni án þess að hann sé líka verslun enda er Kaupfélagið
allt í senn matsölustaður, bar og flottasta gjafavörubúð landsins,”
segir kaupfélagsstjórinn brattur og fullyrðir að þar veröi á boðstól-
um vörur sem fást hvergi annars staðar á íslandi. „Þá er ég að tala
um 500 til 600 hluti eins og Tiffany’s bókamerki, antiksilfur, gömul
mjög verðmæt armbandsúr, lampa, tekk og ýmsar aðrar vörur eftir
allt frá óþekktum hönnuðum til þekktustu hönnuöa heims á borð
við Ray og Charles Eames." Að sögn Frikka er tilgangurinn með
þessu ekki síst sá að vera með fallega muni sem gleðja augaó en
hver hlutur er sérvalinn inn í verslunina og keyptur af fagfólki í
þessum fræðum, meóal annars í London og New York.
„Þetta er konseptstaður sem á sér engan líka annars staðar. Ég
var orðinn þreyttur á stöðum þar sem kúnninn fær ekkert annað
fyrir sinn snúð en sprittkerti á borðið og er svo rukkaður um 200
kall fyrir kaffið.” Og Frikki lætur ekki sitja við orðin tóm heldur
bryddar uppá ýmsum nýjungum til þess að hlúa að gestum sínum
og gera Kaupfélagsheimsóknina sem ánægjulegasta. Á staðnum
ertil dæmis sérstakt make-up herbergi með þremur básum, þannig
að nú þurfa stúlkurnar ekki lengur að þerjast um plássið fyrir
framan spegilinn inni á klósetti, sem vel á minnst eru staðsett í
gömlu þankahvelfingunni. Önnur nýjung er sex fartölvur með
þráðlausri nettengingu svo hægt er að senda e-mail, líta á netið
eða klára viðskiptaáætlunina yfir hádegismatnum (í boði er breyti-
legur fjögurra rétta matseðill þar sem enginn réttur kostar meira
en 1.000 krónur).
En svona staður er ekki neitt án góðrar áhafnar og það veit
Frikki vel.
„Tónlistarstjóri er Margeir Ingólfsson og svo er ég ótrúlega
hamingjusamur með að hafa fengið til liðs við mig þær Öddu, Ölmu
og Lenu, sem eru ekki þara fallegar stúlkur heldur frábærlega
glaðar, brosmildar og þjónustulundaðar.” jk
16 SKÝ