Ský - 01.12.2001, Page 76

Honnun: f|olmynd ehf.
Ódýrt, ódýrara, ódýrast
Eins og margir hafa eflaust tekið eftir er kaupmáttur
krónunnar misjafn eftir því hvort bílastæði borgarinnar
eru merkt P1, P2 eða P3. Hraðasttifar mælirinn á
stæðum merktum P1, aðeins hægar á P2 en hægast
þar sem P3 skiltin eru.
Elsta og besta leiðin
Að sögn Leifs Eiríkssonar hjá Bílastæðasjóði er
tilgangurinn að baki hinum mismunandi gjaldsvæðum
sá að stuðla að eins áreynslulausu flæði fólks og bíla
um miðbæinn og unnt er. „Þetta er í raun elsta og
jafnframt skilvirkasta leiðin til að gefa sem flestum
kost á að nýta sér þau bílastæði sem eftirsóttust eru."
Þarftu stæði til skamms eða langs tíma?
„Jafnframt felst í þessu kerfi innbyggður hvati til að
beina þeim sem þurfa á langtímastæðum að halda,
frá þyngstu álagssvæðunum. P1 hentar þannig þeim
sem þurfa að sinna tiltölulega fljótafgreiddum erindum
í hjarta miðbæjarins, á meðan gjaldtakan á P3 miðast
við þá sem þurfa að leggja bílnum sínum niður í mið-
bæ eða jafnvel lengur. Fyrir vikið eru P3-stæðin stað-
sett þar sem umferðarálag er að öllu jöfnu minnst."
Tröppugangur gjaldtökunnar
P2-stæðin miðast síðan við þá sem vilja gefa sér
nokkuð rúman tíma í bænum, en kjósa að vera í
þægilegu göngufæri við fjölförnustu verslunar- og
þjónustustaðina. Þessi þrepaskipting gerir að verkum
að P1-stæðin eru ódýr í notkun, en aðeins ef lagt er
skamman tíma í einu. En hversu „skammur" er sá
tími? „Þumalfingursreglan er sú að P1-stæðin eru
miðuð fyrir 45-60 mínútna notkun og stæðin á P2
fyrir eina til tvær klukkustundir eða þar um bil. Fyrir
þrjár stundir eða fleiri eru P3-stæðin tvímælalaust
hagkvæmasti kosturinn."
Bylting bílastæðanna
Minniháttar bylting hefur átt sér stað á bílastæðum
Reykjavíkurborgar undanfarinn áratug. Auk þess sem
langvinnu 50-kalla harki lauk með tilkomu nýrra
stöðumæla, miðamæla og greiðslumæla, hafa
bílastæðin lyfst í áður óþekktar hæðir í bílahúsunum,
eða jafnvel grafið sig í jörð niður. Þá hefur stæðum
verið fjölgað, þeim skipt niður í ólík gjaldsvæði og
ýmsar notendavænar nýjungar aðrar litið dagsins Ijós
á borð við P-kortið, svo að dæmi séu nefnd.
Vaxandi umferðarþungi
„Hringiða miðbæjarins er ekki aðeins síkvik og marg-
breytileg," segir Stefán Haraldsson, framkvæmdastjóri
Bílastæðasjóðs Reykjavíkur. „Henni fylgir mikill fjöldi
bifreiða, sem farið hefur ört vaxandi hin síðari ár.
Sem dæmi má nefna að á árunum 1960 til 1997
fjölgaði fólksbifreiðum um 634%. Þessi fjölgun hefur
líka verið mjög hröð á allra síðustu árum og slíkum
stíganda verður ekki svarað nema með fjölþættum
aðgerðum. Lykilatriðið í þessu samhengi er, að um
leið og vandamál gera vart við sig hefst skipuleg leit
að hentugustu lausninni."
Þrjú ný bílahús
Sem dæmi um þau verkefni sem Bílastæðasjóður
vinnur að um þessar mundir, nefnir Stefán byggingu
þriggja nýrra bílahúsa. „Gert er ráð fyrir að þau muni
rísa í næsta nágrenni við annars vegar Hlemmtorg og
hins vegar Aðalstræti og Reykjavíkurhöfn. Þótt þessi
tvö síðarnefndu rísi í tengslum við fyrirhugaðar hótel-
og ráðstefnubyggingar, munu þau koma öllum gest-
um miðbæjarins að notum. Af smærri verkefnum má
benda á að öll bílahúsin eru nú gjaldfrjáls á laugar-
dögum, auk þess sem við erum að þróa fleiri gerðir
af P-kortum."