Ský - 01.04.2012, Blaðsíða 17

skólastjóra svo vel að tekið var eftir og
leiddi til þess að hann stóð i fyrsta sinn á
fjölunum í alvöruleikhúsi í október árið
1989, þá rétt orðinn 11 ára gamall. Það var í
Borgarleikhúsinu og Sverrir var í hlutverki
hins unga Olafs Kárasonar í Heimsljósi
Halldórs Laxness. Jóhanna Kristjónsdóttir
sagði í leikdómi í Morgunblaðinu: „Á
frumsýningunni fór Sverrir Páll Guðnason
með hlutverk Óla litla og gerði það
forkunnarvel. Textameðferð Sverris var
mjög til fyrirmyndar svo og svipbrigði og
hreyfmgar.“
Sverrir lék einnig Emil í sjónvarpsmynd-
inni um Emil og Skunda.
FLUTNINGUR TIL STOKKHÓLMS
En þar með lauk líka leikferlinum á Islandi.
Fjölskyldan flutti til Svíþjóðar vorið eftir
þar sem faðir Sverris, Guðni A. Jóhannes-
son, nú orkumálastjóri, fékk prófessorsstöðu
við Tækniháskólann í Stokkhólmi. Móðir
„Á frumsýningunni fór
Sverrir Póll Guðnason með
hlutverk Óla litla og gerði það
forkunnarvel."
Sverris, Bryndís Sverrisdóttir, rak ferða-
skrifstofuna ISLANDIU í Stokkhólmi.
Fjölskyldan bjó í Stokkhólmi í 18 ár en svo
varð Sverrir eftir í borginni sem heima-
menn kalla nú höfuðborg Skandinavíu.
Foreldrarnir fóru heim en sonurinn hélt
áfram að vinna að leikferli sínum enda
orðinn 28 ára gamall og sjálfstæður maður.
HVERSU FRÆGUR?
Hann getur nú valið úr hlutverkum og
leitast við að leika bæði á sviði og í mynd-
um. Hann getur ekki endalaust leikið hinn
uppreisnargjarna ungling eins og í Upp Till
Kamp! og Pontus er líka hlutverk sem heyr-
ir sögunni til. Tónskáldið Hugo Alfvén er
hlutverk sem hæfir Sverri á þeim aldri sem
hann er nú.
Sverrir er faðir tveggja dætra og hann er í
sambúð í Stokkhólmi sem hefur verið
heimaborg hans frá árinu 1990 og starfs-
vettvangur. Mikið af vinnunni hefur verið
hjá sænska sjónvarpinu, SR, og Stads-
teatren. Hann hefur einnig leikið í fleiri
kvikmyndum, til dæmis Hur mánga lingon
finns det i varlden sem sýnd var í Bíó
Paradís vorið 2011 og hlaut mjög góða
aðsókn í Svíþjóð.
En snýr fólk í Stokkhólmi sér við á götu
þegar það sér Sverri? Það er mælikvarði á
frægð.
„Tsja,“ segir Sverrir. „Jú, það kemur fyrir
að ég finn fyrir að mér er veitt athygli, fólk
gjóar á mig augum. En ég verð meira var
við þetta úti á landi af einhverjum ástæðum,
sjaldnar í Stokkhólmi.“ SKV
Nítjánda veitingastaður er frábær staður fyrir alla fjölskylduna
Hádegisverðarhlaðborð, Brunch og spennandi kvöldverðarhlaðborð
Smáratorgi 3 201 Kópavogi
nítjándQ.
www.nitjanda.is sími 575 7500
2. tbl. 2012 SKÝ 17