Ský - 01.04.2012, Blaðsíða 27

fólkið sem segja má að taki örlögum sínum af skyn-
semi. Þau áttu sjálfsagt aldrei von á bróderuðum
verum á rúmin eða gæsalifrarkæfu í matinn.
I sveitaþorpinu og nágrenni þess í öðrum hluta
bókarinnar býr fólkið við óþægindin af setuliðinu en
kemst brátt að því að þýsku piltarnir eru ekki alvondir.
Slys, afbrýðisemi og glæpir breyta lífi sumra en líf
flestra er áfram harla hversdagslegt. En tíma Némir-
ovsky þraut og lengra komst hún ekki en minnisatriði
um framhaldið og beinagrind að köflunum sem ekki
voru ritaðir fylgja aftast í bókinni.
Þýsku hermennirnir eru sendir áfram á vígstöðv-
arnar í austri og rændir draumnum um frið. Bænda-
fólkið í franskri sveit dregst inn í átökin þrátt fyrir að
gera sitt besta til að standa utan þeirra. Draumar
fjölskyldunnartaka að snúast um að fá synina heila
heim frá vígstöðvunum. Némirovsky lifði ekki að lýsa
ömurleika útrýmingarbúðanna eða rústunum sem
Evrópubúar stóðu frammi fyrir í lok stríðisins.
Frönsk svíta hefur notið verðskuldaðrar viðurkenn-
ingar. Hún er langt frá því að vera dapurleg heldur
þvert á móti fyndin og full af innsæi í mannlega
hegðun, góða og illa. Hvers vegna ættu líka allir að
verða eins og umskiptingar þegar þeir leggja á flótta
við afleitar aðstæður? Snobb, sjálfselska, upphafning
eigin ágætis, græðgi og skeytingarleysi um náungann
minnkarekki á hlaupum undan innrásarliði á rykugum
þjóðvegi á heitum sumardegi. Alveg þvert á móti
eiginlega en neikvæðir eiginleikar verða hlægilegirí
heimskulegustu birtingarmyndunum. Og svo er einn
og einn sem tekur sig á og tekur á honum stóra sínum
þegar allt er komið í óefni og nær að gleyma daglegu
nöldri og leggja hrokann til hliðar þegar leggja þarf
flóttamönnum lið.
Irene Némirovsky þótti gott að sitja úti í skógi og
punkta niður hugsanir sínar og skipuleggja skriftirnar.
Henni auðnaðist ekki að Ijúka við stórvirkið sem hún
ætlaði Franskri svítu að verða. En hún skildi eftir í
handritinu fágætar lýsingar á samtímanum í skáld-
söguformi og lýsti af djúpum skilningi viðbrögðum
manna við breytingum og stóráföllum. SKY
Of Monsters and Men
My Head is an Animal
Útgefandi: Record Records
Lala dýrasögur
TEXTI: ERIK SÖRDAL
Kannski er borið í bakkafullan lækinn með umfjöllun um plötuna My Head
is an Animal á þessu stigi málsins. Platan er að vísu ekki ýkja gömul,
þar sem hún kom út á síðari hluta síðasta árs, en hún hefur á örfáum vikum
tekist á þvílikt flug vestanhafs að dæmalaust er í íslenskri tónlistarsögu. Fyrir
popptónlistarunnendur sem eiga eftir að kynna sér gripinn í heild sinni er þó
óhætt að mæla með því að þeir bæti ráð sitt.
Of Monsters and Men virðast hafa fangað tíðarandann með einhverjum
hætti. Það er vart hægt að segja að vinsældirnar stafi af frumleika
tónlistarinnar. Þau leika þjóðlagaskotið krúttpopp sem gítarar, bassi,
hljómborð og trommur bera uppi, en kryddað er með öðrum hljóðfærum.
Fyrir þá sem hafa gaman af Of Monsters and Men má benda á dobíu af
öðrum sveitum sem leika tónlist af svipuðum meiði: Efterklang, Edward
Sharpe and the Magnetic Zeros og Beirut, svo nokkrar séu nefndar. Sveitin
hefur þó náð að skapa sinn sérstaka hljóm sem helst út alla plötuna. Það er
mikið um klapp, samtaka „lala-lala" og upphrópunina „hey!" sem er í miklu
uppáhaldi. Oftar en ekki er ómótstæðileg stígandi í uppbyggingu laganna
og það er eiginlega með öllu ómögulegt að smitast ekki af spilagleðinni sem
virðist alls staðar skína í gegn.
Samspilið, ekki síst einkennandi samsöngur Nönnu Bryndísar Hilmarsdóttur
og Ragnars Þórhallssonar, er aðalsmerki plötunnar en skemmtileg smáatriði
gera hana heilsteyptari: brak, rjátl, bergmál hér og þar og aðrir fídusar í
eftirvinnslu sem er annars til fyrirmyndar. Titill plötunnar vísar í dýraríkið og
segja má að alls konar ævintýralegar dýrasögur séu á meðal helstu yrkisefna
sveitarinnar. Flest er þetta voðalega sætt, breytir engu, skilur fátt eftir, en nær
því heldur ekki að verða vandræðalegra en gengur og gerist í þessum geira.
Það er full ástæða til að raula með og samgleðjast Of Monsters and Men og
þó enn meiri ástæða til að hlakka til framhaldsins. SKY
My Head is an Animal hefur á örfáum
vikum tekist á þvílíkt flug vestanhafs að
dæmalaust er í íslenskri tónlistarsögu.
STRIKIÐ
RESTAURANT»BAR
Skipagata 14 | 5.hæð | 602 Akureyri | Sími 462-7100 | www.strikid.is
2. tbl. 2012 SKÝ 27