Ský - 01.08.2013, Blaðsíða 23

___ÁSTARBRÉF
til sjö næturvaktir þar sem maður er á milli
svefns og vöku. Þetta er mjög gefandi og
skemmtilegt starf þar sem ég kynnist alls
konar fólki sem ég þarf að vera innan
handar. Þetta snýst um virkni og að virkja
fólk til að taka þátt í daglegum athöfnum,
þetta er ekki allt vesæld eins og fólk vill
stundum halda. Starf á geðdeild er sveipað
rómantík og það finnst mér endurspegla
viðhorf til geðraskana í samfélaginu. Það
má alveg segja að þverskurður íslensku
þjóðarinnar sé inni á Kleppi.“
HEFUR UNUN AF SKRIFUNUM
I sumar vinnur Dagur að lokaverkefni sínu
í meistaranámi í ritlist við Háskóla Islands
og skrifar sína fyrstu skáldsögu sem nefnist
Davtð Oddsson og ég - söguleg ástarsaga.
„Námið hefur gert mikið fyrir mig, það
er opið og frjálst og kennararnir eru allt
reyndir rithöfundar og það mætti frekar
segja að þeir væru ritstjórar en kennarar.
Nemendurnir, sem allir vinna að sama
áhugamáli, verða vinir manns og stuðning-
urinn og krafturinn í hópnum er ómetan-
legur. Það er mjög dýnamískt samband í
hópnum sem er góð leið til að brjótast um
stund út úr einmanaleikanum," útskýrir
Dagur og þegar talið berst að yrkisefnun-
um er hann fljótur til svars;
„Ég hef svo mikla unun af að skrifa um
hvað sem er. Ljóðið er minn heimavöllur og
kjarninn en ég nota hin og þessi form. Það er
misjafnt hvað ég skrifa um, þó er þetta ekki
sjálfsævisöguskáldskapur en ég sæki í allt í
kringum mig, það sem ég heyri og sé. Fólkið
í kringum mig hefur meiri áhrif á mig en til
dæmis verk einhverra rithöfunda.“
POPPSTJARNAN DAVÍÐ STEFÁNSSON
Líkt og fyrr var nefnt hlaut Dagur Bók-
menntaverðlaun Tómasar Guðmundssonar
á síðasta ári fyrir fyrstu ljóðabók sína Þar
sem vindarnir hvílast - ogfleiri einlœg Ijóð.
Skemmst er frá því að segja að faðir Dags,
Hjörtur Marteinsson, hlaut sömu verðlaun
árið 2000, fyrir skáldsögu sína AM 00.
„Þetta er í fyrsta sinn sem feðgar vinna
þessi verðlaun og ég verð að viðurkenna að
þetta var enn ljúfara fyrir vikið. Annars
hafði þetta mikla þýðingu fyrir mig því
það er ekki sjálfgefið að fá gefna út eftir sig
ljóðabók á Islandi og/eða í heiminum.
Bókin var valin úr nafnlausum handritum
og fyrir tilstuðlan verðlaunanna auðveldaði
það mér að koma bókinni út. Ég fór víða
til að kynna bókina og lesa upp úr henni
en mér finnst mjög gefandi að deila skáld-
skapnum með væntanlegum lesendum,“
segir Dagur og bætir við;
„Ljóðin mín eru stutt og einföld og
auðlesin. Þau eru allskonar og hversdags-
legar hugljómanir eru áberandi. Þau eru
tær og í fáum og skýrum orðum þannig að
fólk þarf ekki að vera með háskólagráðu til
að klóra sig í gegnum þau. Af einhverjum
óskiljanlegum ástæðum eru íslendingar í
dag lítið fyrir ljóðlestur, það er eins og
ljóðið eigi ekki upp á pallborðið. Hér áður
fyrr var Davíð Stefánsson eins og popp-
stjarna og ég held að ljóðahöfundar áður
fyrr hafi átt meira samtal við samtímann.“
SKAPANDI KRAFTUR í ÖLLUM
Dagur sér ekki fram á að geta lifað af
ritstörfunum og segir það í raun fjarlægan
draum. Hann horfist þó í augu við þá
staðreynd og hefur annað viðurværi með-
fram skáldskapnum.
„Það koma alveg dagar þar sem maður
missir trúna á að geta skrifað eitthvað
almennilegt. Það getur verið lýjandi og
mér finnst stundum eins og fjögurra tíma
vinnudagur við skriftirnar jafnist á við
fullan vinnudag. Maður er alltaf að ganga á
sjálfan sig við skriftirnar og það getur verið
streð. Þá er ekki hægt að leyfa sér rólegan
dag í vinnunni og kannski er þessu best
líkt við atvinnufólk í íþróttum. Það væri
sniðugt hérlendis að koma á styrkjum fyrir
unga höfunda sem er ólíklegt að slái í gegn
með sína fyrstu bók því það tekur tíma og
menn þurfa að sanna sig áður en þeir kom-
ast á rithöfundalaun.“
Dagur er af skapandi fólki kominn, faðir
hans Hjörtur er kennari og rithöfundur í
hjáverkum og móðir hans er myndlistar-
konan Guðbjörg Lind Jónsdóttir og því á
hann ekki langt að sækja hæflleikann til
sköpunar í einmanaleikanum.
„Listir og bókmenntir hafa alltaf verið í
hávegum hafðar á heimili foreldra minna
svo það er kannski ekki skrýtið að ég fetaði
þessa braut. En auðvitað er skapandi kraft-
ur í öllum, það er bara mismunandi hvar
fólk finnur það. Umhverfið hefur síðan
mikil áhrif og stýrir manni að stóru leyti í
þessu öllu saman.“ SKV
ég hef veriíb að reyna
aS ná í þig
þú skildir eftir
varirnar þínar
í munnþurrkunni
síSustu helgi
ég hef hringt
af augljósum ástæðum
hefur þú ekki svarað
en ég vildi bara láta þig vita
að ég er með varirnar þínar
hérna á náttborðinu
og það truflar mig ekki vitund
þótt þú talir upp úr svefni
£G VAR AÐ HORFA Á TUNGLIÐ
ég var að horfa á tunglið speglast í polli
þegar þú komsf gangandi á móti mér
djöfullinn
sagðir þú en ég sagði
elskan
hafðu ekki áhyggjur
þó annar skórinn sé blautur
því í kvöld
hefur þú stigið fæti
á tunglið
fYRIR ÞIG I
fyrir þig
skal ég róa bát
inn í nóttina
leggja þar net
fyrir drauma
fYRIR ÞIG II
fyrir þig
skal ég aka á valtara
inn í nóttina
vinna þar þrotlaust
að vegagerð
milli svefns og vöku