Ský - 01.08.2013, Blaðsíða 36

Spjaldtölvur í skólastarfi:
Vinsældir spjaldtölva aukast jafnt og þétt hér á landi sem erlendis og má nú finna þær á sífellt fleiri heimilum. Það er
ekki að undra því þær eru nettar, meðfærilegar og auðveldar í notkun, eins og allir geta vottað sem séð hafa börn á
forskólaaldri nota slíkar tölvur með ótrúlegri færni. Þessir eiginleikar spjaldtölvanna hafa leitt til þess að þær eru nú
notaðar í sívaxandi mæli við nám og kennslu á öllum stigum skólakerfisins, allt frá leikskólum upp í háskóla.
TEXTI: KRISTINN J. ARNARSON MYND: GEIR ÓLAFSSON
En þeir sem ekki þekkja til eiga
kannski erfitt með að skilja hvernig
spjaldtölvur geta hjálpað námsfólki
við lærdóminn umfram hefðbundnar
aðferðir. Eru spjaldtölvur komnar til að
vera sem mikilvægt hjálpartæki í námi
barna og unglinga? Eða eru þær kannski
tískufyrirbrigði sem truflar nemendurna
frekar en að hjálpa þeim?
IPAD EINUNGIS ÞRIGGJA ÁRA
Hafa skal í huga að spjaldtölvur eru til-
tölulega nýkomnar á markaðinn - fyrsta
iPad-tölvan kom á markaðinn í apríl 2010
- og því er notkun þeirra í skólum enn á
frumstigi. Fyrstu tilraunir með notkun
þeirra við skólastarf virðast þó flestar lofa
góðu.
Sem dæmi má nefna að í Norðlingaskóla
var 9. bekkur spjaldtölvuvæddur í febrúar
2012 og samhhða gerð viðamikil rannsókn
á verkefninu á vegum Menntavísindastofn-
unar og Rannsóknarstofu í upplýsinga-
tækni meðal nemenda, kennara og for-
eldra. I niðurstöðum áfangaskýrslu kemur
m.a. fram að spjaldtölvuvæðingin hafi „lagt
grunn að auknu aðgengi að námsefni og
námstólum, samskiptum og samstarfi,
ásamt íjölbreytni í úrvinnslu viðfangsefna í
námi. Rannsóknin gaf til kynna aukna
ánægju, áhuga og sjálfstæði nemenda í
námi, meiri einstaklingsmiðun náms,
aukna virkni nemenda og betri nýtingu á
bekkjartímum." Kennurum þótti verkefnið
jafnframt ýta undir faglega þróun og
ánægju í starfi og foreldrar voru einnig
hlynntir spjaldtölvunotkuninni.
LIPRAR OG FJÖLHÆFAR
Helstu styrkleikar spjaldtölvanna við nám
eru hversu fjölhæfar þær eru og auðvelt að
nýta þær til sköpunar. Með þeim má í senn
taka myndir, myndskeið og hljóð auk þess
að skrifa og teikna. Námsforrit (öpp) geta
nýst til að læra allt frá lestri og reikningi
leikskólabarna upp í forritun fyrir háskóla-
nema. Um leið eru þær þægilegri í skóla-
starfi að því leyti að nemendur þurfa ekki
að fara í sérstakt tölvuver til að sinna
verkefnum á borð við heimildaleit, heldur
geta leyst slík verkefni hvar og hvenær sem
er. Spjaldtölvurnar eru fljótari að ræsa sig
upp og eru einfaldari og liprari í notkun en
hefðbundnar tölvur og nýtast því betur við
allt skólastarf en hefðbundnar borðtölvur í
tölvuverum. Þá hafa spjaldtölvurnar einnig
nýst vel við sérkennslu af ýmsu tagi, t.a.m.
hjá nemendum sem glíma við fötlun, hvort
heldur líkamlega eða andlega.
SPJALDTÖLVUVÆÐING KOSTAR SITT
En spjaldtölvunotkun við skólastarf er
engu að síður ákveðnum vandkvæðum
bundin. Fyrir það fyrsta eru tölvurnar dýr
tæki og því kostnaðarsamt fyrir skóla að
kaupa þær, halda þeim við, kaupa hug-
búnað og þar fram eftir götunum. íslenskir
skólar hafa jafnan ekki úr miklum fjár-
munum að spila og því má búast við að
spjaldtölvuvæðingin muni ekki ganga eins
hratt fyrir sig og margir hefðu óskað.
Annar ókostur við nýtingu spjaldtölva við
nám hér á landi er að úrval námsefnis fyrir
spjaldtölvur á íslensku er af afar skornum
skammti. Þótt það sé ekki til mikilla
trafala fyrir eldri nemendur er mjög
bagalegt fyrir yngri nemendur að stýrikerfi
tölvanna auk langflestra kennsluforrita séu
einungis fáanleg á ensku. Einnig má nefna
að þrátt fyrir að almenn ánægja sé með
spjaldtölvunotkun við skólastarf þá hafa
36 SKÝ 4. tbl. 2013