Ský - 01.08.2013, Blaðsíða 31

mikil hákarlalaug og nokkrir stórir fiskar
sem eru í topp 50 stráka hópnum og topp
50 stelpna hópnum sem sitja í raun og
veru um fáránlegt íjármagn, að mér finnst;
þau græða fleiri tugi milljóna bandaríkja-
dollara á ári. Þetta er náttúrlega magnað
og ég samgleðst þeim þótt ég þekki þau
ekki. Þetta er ótrúlegur bransi og ég þakka
fyrir að hafa fengið að gægjast inn í hann.
Á sama tíma er oft erfitt að koma sér í
eðlilega rútínu vitandi hvernig laun
almennra lækna blikna oft í samanburði
við laun fyrirsæta úti í heimi. En það er
víst innihald starfsins sem knýr mann
áfram þegar svona hugsanir sækja á
mann.“
Elmar er 28 ára og segist eiginlega vera
orðinn of gamall í fyrirsætustarfið; hann
bendir á að flestar karlkyns fyrirsætur séu á
aldrinum 18 til 26 ára og síðan séu það
eldri menn. „Eg er mjög þakklátur fyrir að
hafa verið þetta gamall þegar ég fór út því
það fylgir þessu starfi að þræða bæinn allan
daginn, fara í prufur og fá stundum höfn-
un. Ég ímynda mér að þetta hefði gjör-
samlega eyðilagt mig ef ég hefði farið út
þegar ég var 18 eða 19 ára því þá hefði ég
velt fyrir mér hvað væri athugavert við mig
þegar mér hefði verið hafnað."
Elmar er líka þakklátur fyrir að hafa
fengið þetta tækifæri. „Eg hef farið til
landa og staða sem ég hefði annars aldrei
séð og hitt fólk sem ég hefði annars aldrei
hitt. Eg hef ekki sótt í peningana þótt það
sé alltaf gott að hafa meira á milli hand-
anna um mánaðamót en ella.“
Hverjir eru eftirminnilegustu staðirnir?
„Það er New York af því að það var fyrsti
staðurinn þar sem ég þurfti einhvern
veginn að fóta mig í þessum heimi. Mér
fannst Króatía vera magnaður staður og
það sama á við um Feneyjar."
Hann hefur farið víða á undanförnum
tveimur árum og er ákveðinn í að fara til
Indlands eftir útskrift. Þar vill hann finna
ræturnar. Hitta föðurfjölskylduna. „Mig
langar til að kynnast rótunum; pabbi ól
mig upp og kom áfram ákveðnum arfi. En
það er margt sem ég upplifi að ég eigi enn
ólært um uppruna minn.“
Hann talar um falleg lönd. Fallega staði.
Fallegt fólk. Hvað er fegurð í huga hans?
„Mér finnst fegurð eiginlega vera góð-
mennska og gjafmildi. Ég sé mikið af
fallegu fólki eða það sem stílað er á að sé
fallegt samkvæmt þessum almennu stöðl-
um. En svo er mikið af því sem geislar ekki
af fegurð að innan; ég veit það þó ekki.
Þetta er afstætt. Fyrir mér er fegurð góð-
mennska og mér finnst það vera fallegt
þegar fólk hjálpar minnimáttar. Mér finnst
einskær og einlæg góðmennska vera
fegurð.“SKÝ
anMMMrOŒrp

i u i ri u r n
KBDffiJŒiRm]
íWTlníTííTWlwfffl

iátitkásmkk
r4
|>^<j
www.ullarkistan.is
Laugavegi 25 Hafnarstræti 99-101 "1!^
Reykjavík Akureyri
4. tbl. 2013 SKÝ 31