Skinfaxi - 01.03.2021, Blaðsíða 6
6 S K I N FA X I
„Þetta er frábær ný lausn sem spar-
ar mikinn tíma fyrir stjórnendur og
þjálfara. Hún er aðallega hugsuð
fyrir líkamsræktarstöðvar en virkar
einnig vel fyrir aðra starfsemi eins
og þjálfara og í raun alla sem vilja
gera iðkendum sínum kleift að skrá
sig sjálfa í tíma, sjá bókanir og halda
góðu sambandi við iðkendur sína,“
segir Eyrún Reynisdóttir hjá hug-
búnaðarfyrirtækinu Abler, sem er
þekktara sem fyrirtækið á bak við
Sportabler.
Nýjasta afurð fyrirtækisins er tímabókunarkerfið Abler Classes, sem
kom úr smiðju fyrirtækisins fyrir rúmum mánuði. Það einfaldar mjög
greiðslulausnir og bætir þjónustu fyrirtækja sem nota kerfið. Aðgangur
iðkenda að tímum og skráningum í tíma verður talsvert einfaldari, að
sögn Eyrúnar. Þeir sem nota kerfið segja það spara þeim 2–3 vinnudaga
í mánuði sem annars færu í að halda yfirsýn yfir skráningar og samræm-
ingu á milli kerfa.
„Við sjáum líka að kerfið gerir iðkendum auðveldara að eiga í samskipt-
um við þjálfara sína og öfugt. Með því móti hjálpar Abler Classes stjórn-
endum að ná góðu sambandi við iðkendur og þjálfara þeirra. Þannig
er auðvelt að búa til frábært samfélag þar sem þjálfarar og stjórnendur
viðburða geta veitt iðkendum ýmsar upplýsingar og deilt æfingum og
heilu hóparnir geta spjallað saman fyrir og eftir viðburði og æfingar.“
Verslun og skráning á sama stað
Eyrún segir tímabókunarkerfið mjög einfalt í notkun. Fólk skrái sig inn í
kerfið á vefsíðu viðkomandi líkamsræktarstöðvar, þjálfara eða fyrirtækis.
Þar geti fólk séð dagskrána sem er í boði, jafnvel í heilan mánuð. Notend-
ur geta þar séð líka hver þjálfari er hverju sinni, hverjir mæta og fleira í
þeim dúr. Kerfið býður iðkendum jafnframt upp á að sjá hvernig skrán-
Skinfaxi 3. tbl. 2021
Skinfaxi, tímarit Ungmennafélags Íslands
(UMFÍ), hefur komið út samfleytt síðan
árið 1909. Tímaritið dregur nafn sitt af
hestinum fljúgandi sem dró vagn goð-
sagnaverunnar Dags er ók um himin-
hvolfið í norrænum sagnaheimi.
R I TST J Ó R I
Jón Aðalsteinn Bergsveinsson.
Á BY R GÐA R M A Ð U R
Jóhann Steinar Ingimundarson,
formaður UMFÍ.
R I T N E F N D
Gunnar Gunnarsson, Elísabet Ásdís
Kristjánsdóttir og Sigurður Óskar
Jónsson.
P R E N T U N
Litróf.
L J ÓS MY N D I R
Hafsteinn Snær Þorsteinsson, Tjörvi Týr
Gíslason, Ívar Sæland, Eyþór Árnason,
Róbert Daníel Jónsson, Gunnar Gunnars-
son, Haraldur Jónasson, Jón Aðalsteinn
Bergsveinsson, Oscar Rybinski, Davíð
Þór Guðlaugsson o.fl.
UM BR OT O G H Ö N N U N
Indígó.
P R Ó FA R KA L E ST U R
Magnús Teitsson.
AU GLÝS I N GA R
Hringjum.
SKRIFSTOFA UMFÍ/SKINFAXA
Þjónustumiðstöð UMFÍ,
Sigtúni 42, 105 Reykjavík
sími: 568 2929
umfi@umfi.is - www.umfi.is
ST J Ó R N UM F Í
Jóhann Steinar Ingimundarson, formaður,
Gunnar Þór Gestsson, varaformaður,
Ragnheiður Högnadóttir meðstjórnandi
og formaður framkvæmdastjórnar,
Guðmundur G. Sigurbergsson, gjaldkeri,
Sigurður Óskar Jónsson, ritari,
Málfríður Sigurhansdóttir meðstjórnandi
og Gunnar Gunnarsson meðstjórnandi.
VA R AST J Ó R N UM F Í
Hallbera Eiríksdóttir, Lárus B. Lárusson,
Gissur Jónsson og Guðmunda Ólafsdóttir.
UM F Í
Ungmennafélag Íslands, landssamband
ungmennafélaga á Íslandi, var stofnað á
Þingvöllum 2. ágúst 1907. Sambands-
aðilar UMFÍ eru 26 talsins sem skiptast
í 21 íþróttahérað og 5 ungmennafélög
með beina aðild. Alls eru um 450 félög
innan UMFÍ um land allt.
STA R FS FÓ L K UM F Í
Auður Inga Þorsteinsdóttir, framkvæmda-
stjóri, Jón Aðalsteinn Bergsveinsson,
kynningarfulltrúi og ritstjóri Skinfaxa,
Ómar Bragi Stefánsson, landsfulltrúi
og framkvæmdastjóri Landsmóta (með
aðsetur á Sauðárkróki), Ragnheiður
Sigurðardóttir, landsfulltrúi og verkefna-
stjóri, Guðbirna Kristín Þórðardóttir,
ritari, Gerða Jóna Ólafsdóttir, verkefna-
stjóri og Sabína Steinunn Halldórsdóttir
verkefnastjóri.
Starfsfólk í Ungmennabúðum á Laugar-
vatni: Sigurður Guðmundsson,forstöðu-
maður. Frístundaleiðbeinendur og tóm-
stundafræðingar: Þorsteinn Hauksson
og Soffía Margrét Sigurbjörnsdóttir,
Ingveldur Gröndal og Halldóra Kristín
Unnarsdóttir. Eldhús og ræstingar: Joanna
M. Winiecka. Jörgen Nilsson er í leyfi.
Nýtt tímabókunarkerfi
sparar 2–3 vinnudaga
Margir foreldrar nota Sportabler til að hafa yfirsýn yfir
æfingar barna sinna. Fyrirtækið sem bjó til Sportabler
vinnur mikið fyrir íþróttahreyfinguna, meðal annars að
nýju félagakerfi. Nýjasta afurð fyrirtækisins er tíma-
bókunarkerfið Abler Classes, sem er í grunninn hugsað
fyrir líkamsræktarstöðvar og stórbætir m.a. þjónustu
og samskipti við iðkendur.
ingu er háttað í tíma. Iðkendur geta skráð sig í tíma og farið á biðlista ef
fullt er í tíma. Ef einstakling langar óskaplega í jógatíma eða í bjöllurnar í
líkamsræktarstöðinni sendir hugbúnaðurinn hann beint í netverslunina
Abler Shop og getur viðkomandi keypt þar áskrift eða kort í tíma. Eftir
það getur viðkomandi skráð sig í tímann. Með sama hætti getur iðkand-
inn séð á sömu vefsíðu hvort áskriftin er enn gild.
„Forritið vinnur með öðrum kerfum Abler, sem flestir notendur Sport-
abler þekkja, sem gerir stjórnendum og þjálfurum kleift að sjá hvernig
mæting er í tíma, búa til spjall við iðkendur og senda þeim áminningu
og ýmsar upplýsingar um æfingar. Þarna er miklu betra fyrir þjálfara að
eiga í samskiptum við iðkendur sína,“ bætir Eyrún við og nefnir sem
dæmi að golfkennarar geti sett þar inn vídeó sem sýni iðkendum góðar
sveiflur fyrir tímana.
• Abler er sprotafyrirtæki sem stofnað var árið 2017 og margir
tengja við Sportabler. Stofnendur voru þeir Markús Máni M.
Maute og Jóhann Ölvir Guðmundsson.
• Sportabler hjálpar stjórnendum íþróttafélaga að skipuleggja
starfið, taka við greiðslum og skráningum og eiga í samskiptum
við þjálfara og foreldra.
• Notendur í kerfinu eru um 150 þúsund.
• Sportabler og Nóri sameinuðust í byrjun árs 2021 og síðan hefur
verið unnið að því að flytja alla notendur í Sportabler, sem margir
foreldrar þekkja og býður upp á meiri möguleika en Nórakerfið
gerði.
• Abler vinnur nú að nýju rafrænu kerfi fyrir ÍSÍ og UMFÍ fyrir lög-
bundin skil á starfsskýrslum íþróttahreyfingarinnar. Kerfi Abler
kemur í stað Felix, félagakerfis ÍSÍ og UMFÍ, sem hefur verið
notað frá árinu 2004.
Hér má sjá hvernig kerfið virkar
hjá líkamsræktarstöðinni Norður AK.