Skinfaxi - 01.03.2021, Qupperneq 41

S K I N FA X I 41
Gamla myndin: Landsmótið á Akranesi 1975
15. Landsmót UMFÍ var haldið á Akranesi dag-
ana 11.–13. júlí árið 1975. Upphaflega stóð
til að halda mótið árið 1974, á ellefu hundruð
ára afmæli Íslandsbyggðar. Eftir tilmæli frá
þjóðhátíðarnefnd var ákveðið að fresta lands-
mótinu um ár til að það rækist ekki á önnur
hátíðarhöld árið 1974. Það færðist þar með af
þjóðhátíðarári yfir á kvennaár. Fólki fannst þó
of langt á milli móta, en síðast hafði það verið
haldið á Sauðárkróki árið 1971. Þetta ár voru
skráðir 1.004 keppendur. Innlendir og erlendir
sýningarhópar sýndu fimleika og þjóðdansa,
en þetta var í fyrsta sinn sem erlendum sýn-
ingarhópum var boðið á mótið. Á mótinu var
keppt í ýmsum hefðbundnum keppnisgrein-
um eins og knattspyrnu, sundi, frjálsum íþrótt-
um, borðtennis og körfubolta en einnig í grein-
um sem þykja heldur óhefðbundnari í dag,
eins og gróðursetningu, jurtagreiningu, drátt-
arvélaakstri, vélsaumi og blómaskreytingu.
Á myndinni hér til hliðar er Magndís Alex-
andersdóttir frá HSH að keppa í pönnuköku-
bakstri. Hún varð síðar stjórnarmaður í UMFÍ.
Keppni í pönnukökubakstri fylgdu ákveðnar
reglur. Í bókinni Saga Landsmóta UMFÍ 1909–
1990 eftir Viðar Hreinsson, Jón Torfason og
Höskuld Þráinsson eru reglurnar tilgreindar.
Keppnin átti að ganga rösklega fyrir sig og
dæmt var eftir hraða, leikni, útliti og bragð-
gæðum og gefin stig fyrir hvert atriði. Í byrjun
keppninnar áttu keppendur að leggja fram hár-
nákvæma uppskrift. Uppskriftina valdi þátttak-
andi sjálfur en í henni átti að vera 150 grömm
af hveiti og eitt egg. Hver þátttakandi fékk
vinnuborð með rafmagnshellu, skál, mæliílát-
um, sigti, ausu, sleikju, vinnudiskum, kökufati
og klúti. Heimilt var að koma með eigin pönnu-
kökupönnu, áhald til að hræra deigið með og
pönnukökuspaða. Þegar búið var að baka
pönnukökurnar var helmingnum rúllað upp
með sykri en hinar lagðar saman með aldin-
mauki og þeyttum rjóma.
Keppni lauk svo þegar búið var að koma
pönnukökunum fyrir á kökufati. Mest var hægt
að fá 140 stig. Magndís skoraði 134 stig og
hlaut 2. sætið, rétt á eftir Höllu Loftsdóttur.
ERTU Á LEIÐ Í
LÝÐHÁSKÓLA?
UMFÍ veitir ungu fólki sem
hyggur á nám við lýðháskóla
í Danmörku styrk fyrir
vorönn 2022.
Umsóknarfrestur er til
15. janúar 2022.
Nánar á umfi.is
umfi.is