Skinfaxi - 01.03.2021, Blaðsíða 16

16 S K I N FA X I
Góð tengsl urðu til á 52. sambandsþingi UMFÍ sem
fram fór á Húsavík í október. Fulltrúar ÍBR, ÍA og
ÍBA sátu þingið í fyrsta sinn sem sambandsaðilar.
R
úmlega hundrað fulltrúar sambandsaðila UMFÍ mættu á
sambandsþing UMFÍ sem haldið var á Húsavík dagana
15.–17. október. Dagskrá þingsins var þétt og góð. Þing-
fulltrúar létu afar vel af því, enda voru engin átakamál á
dagskránni. Sérstakt gleðiefni var að þingið sóttu nú
nokkrir fulltrúar nýrra sambandsaðila UMFÍ. Þeir voru frá Íþróttabanda-
lagi Reykjavíkur (ÍBR), Íþróttabandalagi Akureyrar (ÍBA) og Íþróttabanda-
lagi Akraness (ÍA), en umsókn þeirra um aðild að UMFÍ var samþykkt
árið 2019, rúmum 20 árum eftir að þau óskuðu fyrst eftir aðild.
Á meðal dagskrárliða voru málstofur um skipan íþróttahéraða, móta-
hald UMFÍ og um rafíþróttir. Þá hélt Jóhann Steinar Ingimundarson, vara-
formaður UMFÍ, erindi um stefnumótun UMFÍ sem staðið hefur yfir frá
því í byrjun árs og verið unnin í nánu samstarfið við sambandsaðila
UMFÍ um allt land.
Jóhann Steinar sagði í umfjöllun sinni um stefnumótunina áherslu
lagða á að UMFÍ væri þátttakandi í samfélaginu og hefði áhrif. „Hlut-
verk UMFÍ er að styrkja starf sambandsaðila og aðildarfélaga þeirra
ásamt því að hvetja og styðja við bætta lýðheilsu landsmanna,“ sagði
hann og bætti við að markmið stefnunnar væri að bæta starf UMFÍ veru-
lega, gera hreyfinguna samstilltari, viðbragðsfljótari og nútímalegri og
að öflugra landssambandi sem hefði hagsmuni allra íþróttahéraða og
félaga þeirra í forgrunni. „Stefnan og áherslur hennar munu auðvelda
hreyfingunni að stefna í sömu átt og ná settu marki. Ungmennafélags-
hreyfingin hefur lengi haft jákvæð áhrif á samfélagið. Við sem komum
að starfinu erum stolt af starfinu um land allt og horfum björtum aug-
um til framtíðarinnar. Höldum áfram að þróast með ungmennafélags-
andann að leiðarljósi. Með því bætum við okkur sjálf og samfélagið
um leið. Það er ungmennafélagsandinn í verki,“ sagði hann.
Formannsskipti,
splunkuný stefna
og skemmtilegt
sambandsþing
Sambandsþing UMFÍ