Skinfaxi - 01.03.2021, Blaðsíða 25

S K I N FA X I 25
Halda sex vikna
námskeið fyrir börnin
„Styrkurinn gerir okkur kleift að
bjóða upp á námskeið fyrir börn
af erlendum uppruna, sem eiga
oft í miklum erfiðleikum í skóla-
sundi. Það getur verið erfitt að ná
krökkunum inn í starfið því vegna
skorts á sundkunnáttu passa þau
oft illa inn í fyrir fram skilgreinda
æfingahópa,“ segir Kristín Þórðar-
dóttir, gjaldkeri Sunddeildar KR.
Sunddeildin fékk styrk til að
bjóða upp á sérstakt sundnám-
skeið fyrir börn af erlendum upp-
runa og er vonast til þess að geta
náð hluta af þessum hópi inn í
starfið eftir að námskeiðinu lýkur.
Sunddeildin hefur verið í sam-
bandi við Þjónustumiðstöð Vesturbæjar, Miðborgar og Hlíða varðandi
verkefnið og hefur félagsþjónustan þar verið í beinu sambandi við for-
eldra þeirra barna sem talin eru þurfa á þessari þjónustu að halda. „Ég
held að það hafi gengið vel og foreldrar hafa tekið vel í þetta,“ segir
Kristín. „Ég veit að foreldrar eru líka að leita eftir þessu.“ Hugmyndin
Fræða foreldrana um
íþróttastarf barnanna
„Við erum mjög ánægð með styrkinn og það verður auðvelt að nýta
hann,“ segir Dagný Finnbjörnsdóttir, framkvæmdastjóri Héraðssam-
bands Vestfirðinga (HSV). Héraðssambandið fékk styrkinn til að kynna
starfsemi félagsins með aðstoð túlka, þýða stundatöflur og búa til tékk-
lista/bækling fyrir erlenda foreldra sem útskýrir hvernig þau skrá
börnin í íþróttir og hvaða íþróttir eru í boði og taka fram hversu mikil-
vægt íþróttastarf er fyrir börn. Einnig er stefnt á að gera heimasíðuna
www.hsv.is aðgengilegri með því að þýða hana yfir á fleiri tungumál.
„Við erum með íþróttaskóla fyrir börn í 1.–4. bekk og á kynningar-
degi grunnskólans næstkomandi vor ætlum við að kynna þetta starf
og starfið í bænum, vera tilbúin með upplýsingar og ná að grípa alla
strax,“ segir Dagný en viðurkennir að hún sé ekki með það á hreinu
hversu marga túlka þurfi á kynningardaginn. Túlkun verður unnin í
samstarfi við grunnskólann. Dagný telur þó líklegt fyrsta kastið að
túlkað verði á ensku, pólsku og filippseysku og gott aðgengi sé að
túlkum á önnur tungumálum.
„Við ætlum að búa til bæklinga með ýmsum nytsamlegum upplýs-
ingum fyrir foreldra og stefnum á að þýða þá yfir á ensku, pó lsku og
filippseysku,“ segir Dagný. „Heimasíðan er svo það flóknasta í þessu
öllu saman og nokkuð sem við þurfum að vinna með hýsingaraðila
síðunnar. Til að byrja með verður heimasíðan sennilega þó fyrsta
kastið þýdd á ensku og eftir það á önnur tungumál.“
Sarah tekur vel á móti
öllum nýjum iðkendum
„Í öllu byrjendastarfi okkar leggjum við áherslu á að taka vel á móti
bæði börnum og foreldrum þeirra. Foreldrarnir þurfa að sjá að íþrótta-
húsið er öruggur staður og að við hugsum vel um barnið þeirra áður
en það byrjar að æfa,“ segir Sarah Smiley, íshokkíþjálfari hjá Skauta-
félagi Akureyrar.
Skautafélagið fékk styrkinn til að búa til myndbrot fyrir samfélags-
miðla þar sem iðkendur félagsins af erlendum uppruna hvetja önnur
börn af erlendum uppruna á eigin tungumáli til þátttöku í íþróttum.
Jafnframt er stefnt á að þýða heimasíðu www.sasport.is á önnur tungu-
mál og einnig auglýsingabæklinginn Vertu með, sem UMFÍ og ÍSÍ
hafa gefið út á nokkrum tungumálum.
Um 160 iðkendur hjá Skautafélaginu eru undir 18 ára aldri. Flestir
eru þeir frá Íslandi en fjölmargir frá öðrum löndum, á borð við Belgíu,
Grikkland, Lettland, Litháen, Pólland, Kanada, Danmörku og Portúgal.
Sarah segist ekki geta svarað því fullkomlega hvers vegna mörg
börn sem eiga erlenda foreldra stunda skautaíþróttir á Akureyri. Hún
segir einhverja foreldra barnanna þekkjast og börnin kannast hvert
við annað.
„Þegar krakkarnir og foreldrar þeirra sjá hvað starfið er fjölbreytt hjá
okkur koma þau og byrja að æfa,“ segir Sarah, sem sjálf er frá Kanada
en hefur verið búsett hér frá árinu 2006.
er að leggja sérstaka áherslu á að ná til barna á miðstigi og elsta stigi
grunnskóla þar sem þau eiga erfitt með að fá kennslu við hæfi í skóla-
sundi vegna getumunar og eru samkvæmt félagsþjónustunni að
mæta illa eða mæta jafnvel ekki í skólasund.
Sunddeild KR ætlar að reyna að halda nokkur sex vikna námskeið
fyrir börn af erlendum uppruna á hverju sundtímabili. „Það fer eftir því
hvenær við fáum pláss í sundlauginni og á hvaða tíma dags námskeið-
in verða haldin. Þau yrðu í það minnsta ekki á skólatíma, því þá eru
sundlaugarnar uppteknar fyrir skólasund og þjálfararnir okkar eru í ann-
arri vinnu á þeim tíma,“ segir Kristín, en Sunddeild KR er með reyndan
þjálfara, sem er sjálfur af erlendu bergi brotinn, sem er tilbúinn að taka
þessi námskeið að sér. „Við erum með aðgang að nokkrum sundlaug-
um og til dæmis úti á Seltjarnarnesi gætum við verið með sundtímana
beint eftir skóla en í Vesturbæjarlaug er skólasund til kl. 17 á daginn
svo að við kæmumst ekki að fyrr en eftir það. Það þarf að stilla þetta
eftir því hvaðan hver er að koma.“
„Við teljum það afar mikilvægt að kostnaður foreldra við námskeið-
ið verði í algjöru lágmarki og helst enginn, en það hefur sýnt sig að
það skiptir miklu máli varðandi þátttöku í sambærilegum verkefnum,“
segir Kristín. Stefnt er að því að námskeiðin standi yfir sem fyrr segir í
sex vikur, en til þess að hægt sé að nýta frístundaávísun Reykjavíkur-
borgar þurfa námskeið að standa yfir í átta vikur hið minnsta.
Kristín Þórðardóttir, gjaldkeri
Sunddeildar KR.