Bókasafnið - 01.01.2004, Qupperneq 4

Árni Kjartansson og Gísli Sverrir Árnason
Upplýsingamiðstöð í
Nýheimum á Höfn
Laugardagurinn 24. ágúst 2002 var eftirminni-
legur dagur á Höfn í Hornafirði en þá var
húsið Nýheimar vígt að viðstöddum forseta
íslands og fleiri góðum gestum. Til húsa í
Nýheimum eru Framhaldsskólinn í Austur-Skafta-
fellssýslu, Menningarmiðstöð Hornafjarðar, Háskóla-
setrið á Hornafirði og Frumkvöðlasetur Austurlands
auk veitingasölu og annarrar aðstöðu til samkomu-
halds.
í þessari grein er sagt frá hönnun og byggingu
hússins og þeirri starfsemi sem fer þar fram í dag.
Höfundar beina sérstaklega athyglinni að Menn-
ingarmiðstöðinni sem starfrækir bókasafn (upplýs-
ingamiðstöð) og héraðsskjalasafn í húsnæði sínu og
greina frá samstarfi hönnuða og starfsfólks þessara
safna við mótun húsnæðis og innréttinga.
Aðdragandi
Um langt skeið höfðu Hornfirðingar bundið vonir við
að eignast nýtt húsnæði fyrir framhaldsskólann en
hann var starfræktur við erfiðar aðstæður í húsnæði
Nesjaskóla, um 10 km frá Höfn. Skólinn hafði vaxið
og dafnað á nokkrum árum og hafði löngu sprengt
utan af sér húsnæðið. Hann er þó einn fámennasti
framhaldsskóli landsins, með liðlega 100 nemendur,
enda þjónar hann fyrst og fremst Austur-Skafta-
fellssýslu en þar búa um 2300 íbúar.
Yfirvöld menntamála í landinu höfðu ekki sér-
stakan áhuga á að fjárfesta í nýju húsnæði fyrir
þennan litla, en mikilvæga skóla. Þess vegna fóru
Hornfirðingar og ráðgjafar þeirra að skoða nýjar leiðir
til þess að ná markmiðum sínum fram. Um miðjan
tíunda áratuginn höfðu komið fram hugmyndir um
þróunarstarf á vegum sveitarfélagsins til þess að
skjóta fleiri stoðum undir atvinnulífið. Úr varð að
bæjarstjórnin beitti sér fyrir stofnun hlutafélags sem
hafði þetta markmið. Þeirri vinnu tengdust Háskóli
íslands, Þróunarstofa Austurlands, framhaldsskól-
inn, fyrirtæki á Hornafirði og rannsóknastofnanir svo
sem Rannsóknastofnun fiskiðnaðarins og Iðntækni-
stofnun.
Á sama tíma varð umræða um úrbætur í hús-
næðismálum safna nokkuð hávær innan bæjar-
stjórnar og ljóst að leiguhúsnæði bókasafns og héraðs-
skjalasafns var löngu orðið of lítið.
2
BÓKASAFNIÐ 28. ÁRG. 2004