Læknaneminn - 01.06.1970, Qupperneq 100

84
LÆKNANEMINN
sjálfsagða öryggi þess, sem veit eitt-
hvað.
Hluti hópsins fékk það verkefni að
framkvæma tvílokaða tilraun. Prófað
var fyrir neutralíserandi mótefnum
vegna herpes simplex, typu II, í sera
frá hópi kvenna. Sumar höfðu cancer
uteri, aðrar ekki. Þrír læknanemar unnu
við að inókúlera í glasagróður, lesa af
í mikroskópíu og neutralísera í tæpa
tvo mánuði. Margrét prófessor fylgdist
með verkinu og sagði til um vinnuna.
Niðurstaðan birtist í erindi, sem flutt var
á nýafstöðnu þingi norrænna meina- og
veirufræðinga.
Námið í deildinni býður ekki upp á
mörg tækifæri til að kynnast rann-
sóknarvinnu. Þess vegna, er dvrmætt
fyrir læknanema að eiga kost á svona
hliðarspori frá hinu hagnýta námi. Þvi
er nú einu sinni þannig farið, að lífæð
framfaranna í læknisfræði slær ekki
inni á sjúkrahúsunum, heldur á stöðum
bar sem minni sefjun ræður ríkjum
dags daglega. Þorst. Bl.
Sjúkdómskrufning: Sjúkdómskruf n-
ing er gerð í krufningarstofunni í
Rannsóknarstofu Háskólans við Bar
ónsstíg. Krufin eru 2 lík eftir ríkjandi
reglum um sjúkdómskrufningu, og eru
2 stúdentar um hvert lík. Þeir kryfja
undir eftirliti og með aðstoð sérfræð-
inga stofnunarinnar og skrifa sameig-
inlega skýrslu um krufninguna, sem
prófessor í meinafræði fer yfir og gagn-
rýnir. Hiklaust má segja, að þessar
krufningar séu gagnlegar, hafi stúdent-
ar áður lesið töluvert í meinafræði.
Þess vegna er rétt, að ekki sé krufið
fyrr en á öðru misseri miðhlutanáms- ‘
ins, og heldur ekki mikið seinna vegna
miðhlutaprófsins (sumarið milli annars
og þriðja misseris er tilvalið, þegar
þannig stendur á). Fundið hefur verið
að því, að kennsla við krufninguna sé
ekki nóg eins og nú er. Ó. G. B.
Námskeið í lyfjagerð: Þetta námskeið
tekur 2 mánuði, sé það haft einu sinni
í viku, 3 til 4 klst. í senn, eins og nú
er. Námskeiðið er nú haldið í vinnu-
stofu lyfjafræðinema í kjallara norð-
urálmu háskólahússins. Flesta dagana
hefst námskeiðið á því, að kennari kynn-
ir það, sem gera skal þann daginn, en
auk þess flytur hann þarna ýmislegt
efni, sem er til prófs hjá honum í lyfja-
gerð, en er ekki beinlínis í tengslum
við námskeiðið. Yfirleitt fer tími, sem
svarar einni klukkustund, í þetta, en
síðan hefst verklega kennslan. 1 verk-
legu tímunum eru nemendur látnir laga
mixtúru (mixtura bismuthi), blanda
duft (dosipulveres ferrosi tartratis),
aðstoða við gerð smyrslis (unguentum
benzalkoni) og stauta (suppositoria,
glyphyllini), skýrð eru og sýnd algeng-
ustu lyfjaform, sýnd er gerð autoklafa
og sagt, hvernig hann vinnur. I loit
námskeiðsins er gerð æfing með sýrur
og antacida. — Námskeiðið lagaðist
mikið í haust við að flytja í nýtt hús-
næði, sem betur var búið áhöldum, en
ennþá þykir mönnum ganga seint að
komast að með sín verkefni, jafnvel að
þeir verði að standa aðgerðarlitlir hjá
allan tímann. Þá eru sumir efins í því,
að námskeiðið í núverandi horfi sé nógu
hagnýtt fyrir læknanema, og á það
bæði við verklegu æfingarnar og teor-
íuna, sem fylgir. Ó. G. B.
Námskeið í smásjárskoðun meinvefja-
sneiða: Skoðaðar eru um 110 smásjár-
sneiðar í miðhluta. Skoðað er einu sinni
í viku og um 10 sneiðar hverju sinni.
10 manns geta sótt námskeiðið í einu
smásjáa vegna. Námskeið fer þannig
fram, að i kennslustofu meinafræðinnar
við Barónsstíg sýnir umsjónarkennari
með stækkunarvél á tjaldi allar þær
sneiðar, sem athuga á í það skiptið og
útskýrir þær, en síðan skoða nemend-
ur sneiðarnar hver í sinni smásjá, og
er það gert í kjallara Blóðbankahússins.
Þar geta þeir alltaf leitað til kennar-
ans, þegar þeir lenda í vandræðum.
Nokkuð ítarleg, fjölrituð lýsing á sneið-
unum er stúdentum fengin I hendur í
upphafi námskeiðsins, en oft er eins
og hún dugi ekki og myndir þyrfti við
hendina, þar sem rækilega væri merkt
það, sem erfiðast er að sjá hverju sinni.
Sýning og lýsing kennarans, sem sann-
arlega er mjög góð, fer öll fram áður
en smásjárskoðun hefst, og er nemend-
um oft að miklu gleymd, þegar þeir
fara að skoða, og er þetta verulegur
galli á fyrirkomulagi námskeiðsins,
sem líklegast er ekki þægilegt að bæta
í núverandi húsakynnum. Bezt væri, að
menn fengju að skoða sínar sneiðar jafn-
óðum í smásjánni og þeim hefur verið
lýst á tjaldi og hefðu meinvefjafræði-
atlas við hendina, sambærilegt því sem
er I vefjafræðinni á fyrsta hluta. Þess
má einnig geta, að í þessum sneiðum
er normala histológían mönnum ekki
síður erfið en pathohistólógían. Þetta
námskeið er rétt að taka á öðru eða
þriðja misseri miðhluta. Ó. G. B.