Læknaneminn - 01.10.1988, Síða 32
Mvnd 1. M-mode echocardiogram of a patient with a mitral anular calcification (MAC). The dark
band of echoes (>3mm) from the anulus is between the posterior mitral leaflet (PML) and the left
ventricular posterior wall (LVPW). (IVS=inter-ventricuIar septum, AML=anterior mitral Ieaflet).
því aðeins hjá örfáum sjúklinga með kím (9).
Orsakir.
Sá þáttur sem hvað helst er talinn orsakavaldur
er hrörnun í bandvefsgrind hjartans (1). Ekki þarf að
koma á óvart þó hrörnun eigi sér stað í míturlokuhring
því mikið mæðir á lokunni og er talið að hún opnist og
lokist u.þ.b. 2,5 — 3 billjón sinnum á einni mannsævi
(2). Eins og áður hefur verið getið um er þetta fyrst og
fremst sjúkdómureldrafólks. Hjá ungu fólki getur kím
hins vegar sést samfara ýmsum efnaskiptasjúkdómum
s. s. Marfan’s syndrome og Hurler’s syndrome, einnig
samfara ýmsum sjúkdómum sem valda hypercalcemiu
t. d. hefur þessu verið lýst hjá sjúklingum með
langvarandi nýrnabilun sem hafa afleiddan hyper-
parathyroidismus. Ymsar hugmyndir hafa verið uppi
um tilurð kím hjá sjúklingum með langvarandi
nýmabilun. Það sem virðist standa upp úr er hátt gildi
fosfats og kalks í blóði. Um þátt hækkaðs para-
thyroidhormóns í orsök er ekki nákvæmlega vitað. Þó
virðist sem þeir sjúklingar með langvarandi
nýrnabilun, sem undirgengist hafa parathyroid-
ectomiu hafi síður kím. Háþrýstingur virðist ekki vera
mikilvægur orsakaþáttur hjá þessum sjúklingum (7,8).
Það er einnig eftirtektarvert að þessir sjúklingar hafa
einnig mikið af mjúkpartakölkunum annarstaðar bæði
í hjartalokum og öðrum hlutum hjartans. Margir
sjúklingarmeð Marfan’s syndrome hafa kím. Þekkt er
að þessir sjúklingar hafa margir hverjir
míturlokuprolaps (1,2). Ekki er víst hvort truflun í
bandvef míturlokuhrings eða aukið álag á lokubúnaðinn
vegna míturlokuprolaps er orsök kím hjá þessum
sjúklingum. Hins vegar er talið að hjá sjúkling með
Hurler’s syndrome sé um innri truflun í bandvef
lokunnar að ræða sem leiði til aukinnar kölkunar (5).
í Framingham rannsókninni komu fram ýmsir
þættir sem sáust oftar hjá sjúklingum með kím en
öðrum. Þannig var kím talin algengari með auknum
aldri og systólískur blóðþrýstingur hjá kalmönnum og
offita hjá konum voru greinilegir sjálfstæðir
áhættuþættir fyrir myndun submitral kölkunar.
Rökrétt ályktun af framangreindu er því, að allt
það sem eykur álag á míturlokuna flýti fyrir hrörnun
hennar og valdi því frekar kím. Einn þáttur sem
augljóslega eykur álag á míturlokuhring er aukinn
sýstólískur þrýstingur í vinstri slegli. Hækkaður
blóðþrýstingur, ósæðarlokuþrengsli og cardio-
myopathia hypertrophica eru meðal orsakaþátta fyrir
auknum sýstólískum þrýstingi í vinstri slegli og hefur
verið lýst samfara kím. Tengsl háþrýstings við kím eru
vel þekkt. I stórum hópum hefur allt að þriðjungur
30
LÆKNANEMINN M988-41. árg.