Læknaneminn - 01.10.1988, Page 49

en í mörgum öðrum löndum og ekki má gleyma
einstæðri náttúrufegurð og möguleikum til útivistar,
bæði sumar og vetur, fyrir þá sem áhuga hafa á slíku.
Fyrir barnafólk er Noregur þó ekki sama Gósenlandið
og Svíþjóð, því hér er mikill skortur á dagheimilis-
plássum og sé maður svo heppinn að krækja sér í eitt er
það ekki ókeypis. Hér er því mikið stólað á
dagmömmur - og þær fást heldur ekki ókeypis !
Flestir Norðmenn eru mjög áhugasamir um
Sögueyjuna og eru ótrúlega fróðir um t.d. Snorra-Eddu
og Heimskringlu og jafnvel Islendingasögurnar, og
aðdáun þeirra á náttúru íslands, svo ekki sé minnst á
Vigdísi forseta er takmarkalaus! Sem sagt, það er gott
að vera Islendingur í Noregi.
UPPBYGGING SÉRFRÆÐINÁMS
Hægt er að stunda hér flestar greinar
sérfræðináms. Venjan er, að sérfræðingsefnið sé
ákveðinn tíma á hinum ýmsum deildum og fylli þá út
“afrekaskrá” (t.d. í skurðlækningum). Samhliða þessu
eru skyldunámskeið, sem oftast lýkur með prófi.
Námsstöðum er hér skift í A-,B- og C-stöður. A-
staða er námsstaða á sjúkrahúsi sem ekki er
háskólasjúkrahús. B-staða er námsstaða á
háskólasjúkrahúsi og C-staða er ætluð þeim sem vantar
ákveðna hliðargrein til að hljóta sérfræðiréttindi (og
eru því ekki lengri en eitt ár).
Til að fá norsk sérfræðiréttindi fæst metið:
-Tími í fastri A-, B- eða C-námsstöðu.
-Tími í auglýstri afleysingastöðu (A, B eða C).
-Tími í óauglýstri afleysingastöðu (A, B eða C), allt
að einu ári.
Það er því ekki nauðsynlegt að vera í fastri stöðu
til að hljóta sérfræðiréttindi og sumir taka allt sitt
sérfræðinám í afleysingastöðum. Og jafnvel þó þú
hafir verið svo heppin(n) að hljóta fasta B stöðu á
háskólasjúkrahúsi (sem venjulega er veitt til 5 ára)
verður þú sjálf(ur) að útvega þér C stöðu (hliðargrein)
ef hennar er krafist.
Slíkt skapar auðvitað töluverða óvissu, bæði
fjárhagslega og ekki síður ef fólk þarf að standa í
flutningum á milli landshluta til að “klára kvótann”.
Þá bíður sænska “bIokkar”-kerfið upp á mun
meira öryggi, þar sem sérfræðingsefninu eru fyrirfram
tryggðar ákveðnar stöður, hver á fætur annarri, uns
takmarkinu er náð eftir ákveðinn árafjölda. Kostir
þessakerfis, sérstaklegafyrirfjölskyldufólk, með böm
á skólaaldri og/eða báða foreldrana úti á vinnu-
markaðinum eru óumdeilanlegir. Hins vegar vinna
Svíar nú að breytingum á sínu kerfi, sem flestar virðast
stefna að því að gera það líkara kerfinu hér í Noregi, og
munu þá “blokkimar” hverfa og hver aðstoðarlæknir
gerður ábyrgur fyrir sínu sémámi (1).
HVERNIG FÆR MAÐUR STÖÐU í NOREGI?
Fæstir þeirra íslensku lækna, sem byrja í
sérnámi í Noregi, ganga beint inn í fasta stöðu.
Venjan er, að gerast áskrifandi að Norska
læknablaðinu (Tidsskrift for Den norske lægeforening,
Inkognitogt. 26, 0256 Oslo 2) og fylgjast með
atvinnuauglýsingunum þar. Við ráðleggjum fólki að
sækja um allt sem freistar, líka stuttar afleysingastöður,
því það mikilvægasta er að koma sér út og sýna að
maður sé til einhvers nýtur. Reynslan hefur sýnt að
möguleikamir á að fá framlengingu á afleysinga-
stöðunni - eða jafnvel að komast í fasta námsstöðu með
tímanum - eru góðir, ef maður er áhugasamur og
vinnuglaður.
Annar möguleiki er að skrifa beint til yfirlækna
viðkomandi deilda og falast eftir aðstoðarlæknisstöðu
í hvaða formi sem er, jafnvei þó þú hafir ekkert séð
auglýst frá viðkomandi deild. Þetta er best að gera
seinni hluta vetrar eða snemma vors því þá fara menn
að svipast um eftir afleysingafólki fyrir sumarið.
Þannig er stundum hægt að komast að í óauglýsta stöðu
og þá gildir bara að halda rétt á spilunum og festa sig í
sessi!
Háskólasjúkrahús eru í Tromsp, Throndheim,
Bergen og Oslo en oft er auðveldara að fá stöðu á
smærri sjúkrahúsum og koma sér svo þaðan inn á
háskólasjúkrahúsin.
Þeir sem hafa íslenskt læknaleyfi fá venjulega
tímabundið og takmarkað norskt læknaleyfi án
nokkurra vandræða, þegar þeir hafa fengið stöðu. Það
leyfi verður að endurnýja á 6 mán. fresti, en innan 1 og
1/2 árs verður maður að taka svonefndan “Tilleggskurs
for utenlandsmedisinere”, sem er 5 vikna námskeið
með þriggja vikna fyrirlestraprógrammi í réttarlæknis-
réttargeðlæknis-, heilbrigðis- og félagslæknisfræði og
lyfseðlagerð og lýkur með prófum í öllum fögunum.
Að þeirri “eldraun” lokinni fær maður ótakmarkað
norskt lækningaleyfi.
LÍFIÐ í NOREGI
Þegar komið er hingað út, er í fyrstu venjulega
LÆKNANEMINN 34988-41. árg.
47