Iðjuþjálfinn - 2023, Síða 30

Iðjuþjálfinn I Fagblað iðjuþjálfa I 1. tölublað 2023 30
Gaman að nota matstæki og efla samskipti
Aðgengisvikan er að mati Bjargar skemmtilegust af því hún
er veitir upplifun á eigin skinni. „Síðan finnst mér gaman að
láta nemendurna rýna í alls konar matstæki í vinnustofu. Ég er
hrikalega montin af hvað við eigum mörg þeirra á íslensku og
þar eru Kristjana Fenger og MOHO-matstækin algjör gullnáma.
Mér finnst svo gaman að segja nemendum frá matstækjunum
sem eru til. Ég hef líka keypt nokkur sænsk matstæki til að
nota í vinnustofunni,“ útskýrir hún.
Björg hefur búið í fjórum Norðurlöndum og tekið eftir ýmsu
svipuðu og einnig ólíku. „Það er svo gaman, og það er alveg
munur á daglegum athöfnum. Þó við séum norræn og margt
líkt með skyldum þá er samt menningartengdur munur á
okkur. Svo eru nemendur að koma bæði í Svíþjóð og Noregi
og spyrja, af hverju eigum við að nota matstæki þegar enginn
notar þau á vettvangi? Bara leyfa þeim að sjá þau og skoða,
alveg eins og íslensku nemarnir eru að gera, þeir eru að skoða
matstæki sem búið er að þýða og það gefur þeim heilmikið.
Það er ekki búið að þýða jafn mörg matstæki í Noregi en
aðeins skárra í Svíþjóð. Sænskir iðjuþjálfar eru miklu fleiri, fleiri
sem eru með doktorsgráðu, miklu meiri hefð fyrir því þar,“
bætir hún við.
Síðan segir hún einnig gaman að taka þátt í að efla samskipti
námsbrauta milli landa og greiða leið nemenda með ýmsum
hætti, „annaðhvort fara í skiptinám eða vinna saman á netinu,
leysa verkefni saman en samt í sitt hvoru landinu. Margir eiga
þess ekki kost að fara í skiptinám vegna aðstæðna en svo getur
verið að námsbrautirnar sjálfar hafi ekki verið nógu sveigjan-
legar að meta það, sem er í boði annars staðar, inn í námið hjá
sér. Við þurfum að sjá tækifærin í að nemi fái að sjá hlutina frá
öðrum vinklum en einmitt þeim sem við kennum. Þar er HA
til fyrirmyndar því þar eru í boði valnámskeið í grunnnáminu,
og ég veit ekki til að það sé í boði í iðjuþjálfunarnámi á hinum
Norðurlöndunum,“ lýsir Björg.
ValMO í uppáhaldi
ValMO (e. Value of meaning in occupation) er einnig í uppá-
haldi hjá Björgu og tengist rannsókn á notkun ReDo-íhlutun-
arinnar á Reykjalundi. „Ég tók eina önn í Lundi til að skrifa BS
ritgerðina mína af því ég var ekki með BS-frá Danmörku. Ég
fór á námskeið hjá Lenu Karin Erlandsson sem var þá að þróa
ReDo, og fannst allt sem hún sagði vera svo rökrétt. Mér fannst
þetta vera það sama og við vorum að gera á námskeiðunum
á Reykjalundi. Þessi kenning þeirra sem heitir ValMO, Value of
meaning in occupation, tengist ReDo. Þetta kveikti svo í mér
og mér fannst þetta hjálpa mér að skilja, hvað erum við að
meina þegar við erum að spyrja fólk um hvað er mikilvægt
fyrir þig og hvaða iðja er mikilvæg fyrir þig?“ útskýrir hún.
„Þegar ég byrjaði á Reykjalundi þá var COPM að koma og það
var ákveðið heilt yfir að við ættum að nota það. Það voru alls
konar pælingar fram og til baka hvernig við ættum að nota það
og við æfðum okkur og lærðum á hvernig við áttum að spyrja
Jarðaberja season i OsloMet.
Þegar ég giftist vísindastarfinu.