Iðjuþjálfinn - 2023, Blaðsíða 40

Iðjuþjálfinn I Fagblað iðjuþjálfa I 1. tölublað 2023 40
áherslum kerfisins. Þess vegna hefur Hugarafl undanfarin 20
ár starfrækt batamiðaða þjónustu utan hefðbundins kerfis fyrir
þá sem leita sér aðstoðar vegna geðrænna áskorana.
Því miður er það svo að það fjármagn sem er sett í árangursríkt
úrræði Hugarafls er þó skammarlega lágt og það verður að
breytast. Það er margfalt ódýrara fyrir samfélag okkar að efla
óhefðbundið starf eins og Hugarafls þar sem lögð er áhersla
á bata og valdeflingu, opið úrræði og sveigjanleika. Það fjár-
magn sem sett er í hefðbundið geðheilbrigðiskerfi núorðið fer
í að viðhalda kerfi sem er á margan hátt úr sér gengið.
Eftirspurn
Til Hugarafls leita um 800 -1000 manns á ári og á hverjum tíma
eru ríflega 200 einstaklingar í virkri þjónustu, endurhæfingu
og bataferli. Í Hugarafli fer fram öflugt starf í viku hverri með
metnaðarfullri dagskrá sem mótuð er af notendum og fagfólki
í sameiningu. Unnið er á jafningjagrunni í öllum hópum og
verkefnum. Einnig er hægt að leita einstaklingsstuðnings hjá
fagfólki eða jafningjastuðningsaðila.
Hópastarf er að mestu leyti notendastýrt og hluti dagskrár
er unninn í samvinnu notenda og fagfólks. Sjöundu hverja
viku er rýnt í dagskrána, gerð innanhússkönnun á ánægju
þátttakenda og ný dagskrá mótuð í samræmi við niðurstöður.
Hugsjónirnar eru aldrei langt undan og það að tilheyra vald-
eflandi samfélagi Hugarafls skapar samkennd og ómetanlega
trú á lífið og tilveruna. Í viku hverri eru félagsfundir Hugarafls
á dagskrá. Þeir eru lýðræðisvettvangur félagsmanna og þar
gefst m.a. tækifæri til að æfa rödd sína og ákveðni sem er
sterkur hluti af batanum.
Hugarafl er opið öllum landsmönnum og ekki er gerð krafa
um tilvísanir eða sjúkdómsgreiningar. Covid kenndi okkur á
fjarfundarbúnaðinn svo fjarlægðir eru ekki lengur hindrun.
Viljinn til breytinga, hugsjónin, reynslan og hugmyndafræðin
sem lagt var upp með í Hugarafli fyrir 20 árum hefur sýnt fram
á að það er löngu kominn tími til að fara frá sjúkdómsvæddu
geðheilbrigðiskerfi og inn í aðra nálgun sem byggir á bata
og valdeflingu, sjálfræði og sjálfstæði. Árangur Hugarafls er
sterkt ákall á breyttar áherslur í geðheilbrigðiskerfinu, komin
er reynsla sem við verðum að nýta og undanfarin 20 ár hefur
verið farin önnur leið sem má ekki hunsa.
Notendaþekking er mikilvægasta leiðarljós sem Hugarafl hefur
unnið eftir frá upphafi. Allt starf Hugarafls og þau verkefni sem
samtökin hafa unnið eru byggð á reynslu þeirra sem þekkja
geðrænar áskoranir á eigin skinni. Notendur hafa reynslu af
geðheilbrigðisþjónustunni og vita hvað nýtist í bataferli og
hvað ekki. Hugarafl vinnur reglulega að verkefnum sem ýta
undir að notendaþekking sé nýtt og jafnframt er ýtt undir
nýsköpun og þróun.
Hugarafl hefur frá stofnun samtakanna unnið að því að til
verði skjólshús (e. safehouse) sem er m.a. opinn valmöguleiki
við innlögn þar sem notandi velur aðra leið í bataferli sínu.
Í skjólshúsi er starfsfólk allt með reynslu af geðrænum
Endurhæfingarteymi TR i heimsókn í janúar 2023.
Batafundur hjá Hugarafli, hópastarf.