Úrval - 01.10.1967, Síða 103

SÍÐASTI RÍKISLÖGREGLUFULLTRÚI.
101
mann fastan bara fyrir það eitt, að
mér geðjist ekki að svipnum á
honum. Eina ástæðan fyrir handtök-
unni ætti að vera sú, að hann sé
að brjóta lögin. Því verð ég að vita,
hvað eru lög.“
„Fjárinn sjálfur!" stundi Sutton
upp og hristi höfuðið. „Auðvitað
skal ég kenna yður.“
Lögreglustjóri einn sunnan frá
Texas, er Bill hitti nokkrum árum
síðar, skildi heldur ekkert í því, hve
mikla rellu Tilghman gerði sér út
af lögunum. Maður einn, George
Snyder að nafni, hafði stolið hesti
í Dodge City. Bill rakti slóð hans til
bæjarins Mobeetie suður í Texas-
fylki. En í stað þess að handtaka
hann þar, fór Bill fyrst til fylkis-
stjóra Texas í Austin og sýndi hon-
um heimild til þess að fá Snyder
framseldan. Hann fann Snyder inni
á krá í Mobeetie, þar sem hann var
að horfa á pokerspil. Bill stanzaði
fyrir innan dyrnar, vaggaði sér á
hælunum með hendurnar niður með
síðunum og hrópaði: „Snyder, það
hefur verið lýst eftir þér sem saka-
manni í Dodge City. Þú ert hérmeð
handtekinn.“
Snyder snarsneri sér við og
hrópaði: „Þú getur ekki handtekið
mig hér. Ég er nú í Texas.“
„Fylkisstjórinn hefur skrifað upp
á heimild til þess, að þú verðir
framseldur. Upp með hendurnar."
Snyder slengdi sér undir borð og
skreið yfir í hinn enda salarins.
Tilghman kastaði sér yfir borðið
og dreifði spilum, spilapeningum og
fjárhættuspilurum í allar áttir. Þjóf-
urinn tróð sér fram undan borðinu
og spratt á fætur, en þá sló Bill
hann niður með hægri handar
kjálkahöggi.
Þegar hér var komið málum, kom
ríkislögreglufulltrúinn í Mobeetie
æðandi inn með byssu í hendinni.
Bill kynnti sig fyrir honum sam-
stundis og sagði: „Ég gat ekki fund-
ið yður áðan, ríkislögreglufulltrúi.
En hérna eru skjöl, sem snerta mál
þessa manns. Ég ætla með hann með
mér til Dodge City.“
Texasbúinn leit á skjölin og síðan
niður á Snyder, sem lá þarna á gólf-
inu. „Þér sparið yður sannarlega
ekki fyrirhöfnina!“ sagði hann svo.
Nú, hvers vegna skutuð þér hann
ekki, fyrst hann stal hesti?“
Það var meiri þörf fyrir löggæzlu
í Dodge City og nágrenni en lög-
reglustjórinn og aðstoðarmaður
hans gátu séð um, því að þeir áttu
ekki aðeins að halda uppi lögum og
reglu í bænum sjálfum heldur í
öllum hreppnum. Því var Bill Tilgh-
man gerður að ríkislögreglufulltrúa
í bænum. Masterson gegndi lögreglu-
stjóraembætti í aðeins eitt kjörtíma-
bil, og eftirmaður hans var argur yf-
ir því að missa Tilghman sem að-
stoðarmann sinn, en hann gat ekki
staðið gegn óskum bæjarbúa í þessu
efni.
Fjárveiting til embættis þessa
gerði ráð fyrir einum aðstoðarmanni
ríkislögreglufulltrúanum til hjálp-
ar. Og hann útnefndi Tom Nixon
í starf þetta, en Nixon var gamall
vinur hans, sem rak vagnaleigu þar
í bæ. Tilghman gaf honum aðeins
eina fyrirskipun, og hún var þessi:
„Tom, við verðum að skapa Dodge
City nýtt álit. Ég vil, að Dodge
City verði þekktur sem „bærinn,