Goðasteinn - 01.09.1962, Page 25

Ragnar Júlíusson, kennari í Reykjavík, og Ólafur H. Kristjánsson,
skólastjóri á Reykjum í Hrútafirði. 1 fyrsta áfanga flugum við til
Glasgow í Skotlandi og lentum þar á Renfrew-flugvellinum. Vél
okkar hélt fljótlega áfram til Kaupmannahafnar, en samkvæmt
áætlun áttum við sexmenningarnir að fara með enskri flugvél til
Lundúna. Lítið markvert var að sjá í flughöfninni í Glagow. Er
þar allt fremur þröngt og líkt og skorið við nögl. Kemur það vafa-
iaust vel heim við hina alkunnu sparsemi Skota. Dvölin í Glasgow
varð ekki löng, og brátt var enska flugvélin okkar tilbúin til flugs.
Ferð sú var fremur stutt, því að ekki leið á löngu, eftir að vélin
hafði náð fullri hæð, að hún tæki aftur að lækka flugið. Við bið-
um drjúga stund í hinni geysistóru og vistlegu flughöfn í Lundún-
um, og þar fórum við um síðir upp í aðra enska vél, sem átti að
flytja okkur síðasta áfangann. Brátt lyftum við okkur af enskri
grund og svifum suður yfir Ermarsund og inn yfir Frakkland. Eftir
flug, sem tók svipaðan tíma og milli Reykjavíkur og Akureyrar,
ientum við á Le Bourget flugvellinum við París, og glaðir að lok-
inni góðri ferð stigum við fæti á franska jörð.
í París hittum við brátt að máli Óttar Þorgilsson, starfsmann
Atlantshafsbandalagsins. Greiddi hann götu okkar af mikilli prýði
og leiðbeindi okkur um heimsborgina. Hann hafði útvegað okkur
gistingu á ódýru, en mjög vistlegu hóteli við Nicolo-götu, sem er
þvergata við Passy-götu, ekki ýkja fjarri Eiffelturninum. Bjuggum
við þar allan tímann, sem við vorum í París. Fyrstu þrjá dagana
í borginni vorum við gestir Atlantshafsbandalagsins. Til að byrja
með heimsóttum við aðalstöðvar samtakanna í mjög nýtízkulegu
stórhýsi á fögrum stað í útjaðri Boulogne-skógarins. Þar hlýddum
við á fyrirlestra, fræddumst um dagleg störf hjá þessu mikla fyrir-
tæki og nutum gestrisni heimamanna á margan hátt. Hjá Atlants-
hafsbandalaginu er ekki aðeins um að ræða hernaðarmál og varnir
vestrænna ríkja, heldur vinna samtökin ekki síður að því að
styrkja efnahagsþróun, menningarmál og tækni í aðildarríkjunum.
Og umfram allt leitast þau við að efla samvinnu ríkjanna og
eyða misklíðarefnum. Hafa þau vafalaust komið mörgu góðu til
leiðar á því sviði. Þarna í aðalstöðvunum hittum við fulltrúa ís-
lands hjá Atlantshafsbandalaginu, Tómas Tómasson sendiráðsrit-
Goðasteinn
23