Goðasteinn - 01.09.1962, Blaðsíða 29

Var hún smíðuð 1606 og stendur gegnt hinni öldnu kirkju. Notre-
Dame kirkjan er gífurlega stór og gerð í gotneskum stíl. Hún
býr yfir mikilli fegurð og magnþrungnum hátíðleika. enda hafa
ekki svo fáir stórviðburðir í sögu Frakklands átt sér stað innati
veggja hennar í aldanna rás. Dvöldumst við langtímum í þessu
veglega guðshúsi og vorum hugfangnir af byggingarstíl þess og
listaverkum. Af öðrum kirkjum, sem við skoðuðum, er mér minnis-
stæðust hin risastóra og fagra Sacré Coeur, pílagrímskirkja, er
stendur efst á Montmartre-hæðinni.
Eitt af því, sem við Ólafur afrekuðum, var að ganga um allt
Louvre-safnið. Er það stærsta listasafn veraldar, svo að okkur
hefði vafalaust ekki veitt af vikutíma innan veggja þess, hefði
verið um annað en lauslegt yfirlit að ræða. í Louvre er varðveitt
hið mjög fræga málverk af Mónu Lísu eftir Leonard da Vinci og
marmaralíkneskið Venus frá Míló, svo að eitthvað sé nefnt. Þá
var stórfenglegt að koma til Versala, sem er töluverð borg suð-
vestan Parísar. Þar iét sólkonungurinn Lúðvík 14. reisa hallir
sínar á 17. öld, því að honum fannst of þröngt um sig í París.
Hallir hans og margra annarra höfðingja standa þar enn og eru
prýddar hinum fegurstu listaverkum. Mikið er um loftmálverk
þarna í Versölum, og fylgdi því ekki lítil áreynsia að horfa svo
mjög til hæða. Garðarnir umhverfis hallirnar eru undurfagrir og
vel skipulagðir. Hvarvetna getur að líta höggmyndir, gosbrunna,
skrauttjarnir, trjáraðir og blómabeð í hrífandi litskrúði. Þeir hafa
ekki verið auraiausir konungarnir í Frakklandi, þegar þeir voru
að byggja upp og rækta í Versölum, og skiljanlegt er, að þjóðinni
þætti þeir stundum þungir á fóðrunum. í konungshöllinni í
Versölum er Speglasalurinn svo nefndi. Þar voru friðarsamning-
arnir við Þjóðverja eftir fyrri heimsstyrjöldina undirritaðir.
Á hverjum morgni, er ég vaknaði og leit út um gluggann á
hótelherbergi mínu, blasti Eiffelturninn við augum í nokkurri fjar-
lægð. Turn þessi, sem er 300 metra hár, var reistur fyrir heims-
sýningu í París, er haldin var á aldarafmæli byltingarinnar miklu
1889. Tvisvar lagði ég leið mína upp í turninn og fór með lyft-
unni. Annars er hægt að fara alla leið gangandi upp geysimikinn
Godasteinn
17