Goðasteinn - 01.09.1971, Side 11

Sr. Sveinbjörn Högnason
Sigurþór Ólafsson
stjóra var og falið að taka upp vöruávísanir til greiðslu í stað
peninga. Breiddist þetta fyrirkomulag í viðskiptum mjög út hjá
kaupfélögum um þessar mundir og sást lítið af peningum í um-
íerð. Eftir þenna stjórnarfund samdi Ragnar Ólafsson lögfræðing-
ur tillögur til lausnar fjárhagsvanda félagsins og voru þær lagðar
fyrir aðalfund 15. maí 1937 og samþykktar samhljóða. Viðskipta-
veltan hafði aukizt nokkuð árið 1936 og skuldir félagsmanna lækk-
að fremur en hitt. Engu að síður hafði reksturinn gengið erfið-
lega og var talsverður tekjuhalli það ár. Þessi aðalfundur fól
framkvæmdastjóra að semja við byggingarnefnd Stórólfshvols eða
sýsiunefnd Rangárvallasýslu um kaup á allvænni landspildu á
flötunum milli Fljótshlíðarvegar og Landeyjavegar, sem áður hafði
verið falazt eftir og þá ekki fengizt. Formaður félagsstjórnar í
stað Sigurðar Vigfússonar var kjörinn Sigurþór Ólafsson og vara-
formaður sr. Sveinbjörn Högnason.
Um miðjan nóvember 1937 var haldinn stjórnar- og fulltrúa-
Goðasteinn
9