Goðasteinn - 01.09.1971, Page 73

Hjónin á Brúnum
Ljóð frá liðnum
árum
Sigurður Vigfússon og Björg
Jónsdóttir d Brúnum
Iðkun ljóðlistar mun á undanhaldi á íslandi, aldarhættir gefa
mönnum annað um að hugsa. Ljóðlistin átti sitt öndvegi á mörgum
sveitaheímilum liðins tíma, þar sem bóndinn, húsfreyjan, börn
þeirra og heimilisfólk lagði saman í ljóðasmíði. Hér verða birt
dæmi um ljóðagerð hjónanna á Brúnum undir Eyjafjöllum, Sigurð-
ar Vigfússonar og Bjargar Jónsdóttur. Bæði eru þau lesendum
Goðasteins að góðu kunn. Ljóð þeirra hafa áður birzt í ritinu, og
Sigurði hafa verið gerð þar góð skii í greinum (Goðasteinn 2. h.
1970, bls. 38-46 o. v.). Sigurður er fæddur 1887 og dó 1936, harm-
dauði öllum, er hann þekktu. Björg Jónsdóttir frá Hallgeirsey,
kona hans, er fædd 1896. Seinni maður hennar var Sigmundur Þor-
gilsson skólastjóri á Ásólfsskála. Oss er hún jafnkunn og jafnkær
sem Björg frá Ásólfsskála. Nú býr hún að Hellu í Rangárþingi með
fjölskyldu sinni. Goðasteinn vill að þessu sinni kynna saman nokk-
ur ljóð Brúnahjóna, sem enn eru mörg eða fiest óprentuð.
Goðasteinn
71