Goðasteinn - 01.09.1971, Page 79

Hve gaman er að borða ber / og tína.
Og fjörugt barn það fráleitt er,
sem fýsir ekki að tína ber -
að tína, að tína.
Og hér er spói og heiðarló / að tína
og hrafn á steini krunkar kró,
þó komi fleiri er hér nóg
að tína, að tína.
Björg Jónsdóttir:
HAUST
Sumarið ljúfa léttum skrefum þokar,
lokið er samfylgd blíðra sólskinsdaga.
Blómið á engi bikar sínum lokar,
brosir ei lengur fífillinn í haga.
Lög eru sett um ljósa og myrka daga.
Blaði er flett og byrjuð önnur saga.
Laufvindar hlýir, létt er ykkar göngu,
lóurnar mínar flognar yfir sæinn,
blöðin á greinum bliknuð fyrir löngu,
bráðum er lindin horfin undir snæinn.
I hamrinum á kveldin hulduraddir tala.
Vermist þjóð við eldinn, sem vakir inn til dala.
SIGGUSTEINN
1 brekkunni fögru við bjartan straum
er blágrýtissteinn
og hlustar hljóður og einn
á hyldjúpan straum.
Goðasteinn
77