Goðasteinn - 01.09.1971, Side 82

KVEÐIÐ VIÐ ÖMMUDRENG
Sól er yfir sundum,
svífur már á bárum,
lauf í grænum lundum
lauguð daggar tárum.
Léttist lýðum sporið,
ljóst er í huga mínum,
en bjartast brosir vorið
í bláum augum þínum.
TIL RAGNHEIÐAR
1 barnsaugum þínum brosir og skín
birta jólanna inn til mín,
blíðlega hljómar þitt bernskumái,
bergmál það vekur í hverri sál.
Guðs engill fagur gæti þín,
góða, indæla stúlkan mín.
STAKA
Glöðum stráir gullin mund
geislum sólar hröðum.
Glettin bára gárar sund,
glymur í árablöðum.
SUNGIÐ í SVEFN
Brátt er búin vaka,
blunda, vinur minn.
Sízt mun drenginn saka,
ég signi kollinn þinn.
Góðar verur gæta þín
og ganga um hljótt.
Silkimjúkt er sængurlín,
og sofðu nú rótt.