Goðasteinn - 01.06.1983, Síða 30

undir Eyjafjöllum. Hann var ættfræðingur og fróðleiks-
maður af guðs náð en minna hneigður fyrir búskap. Það
var vani hans á hverju sumri í sláttubyrjun að fara til
Reykjavíkur með eitt reiðingshross í taumi. Tók ferðin
um hálfan mánuð. Pótti þetta ekki búmannlegt hjá
Brynjólfi.
í Reykjavík lagði Brynjólfur alltaf leið sína til dr. Jóns
Þorkelssonar og Hannesar Þorsteinssonar og ræddi við
þá um mannfræði og annan fróðleik frá eldri tíð. Áfram
hugsaði Brynjólfur til þessara vina sinna er tók fyrir
Reykjavíkurferðir hans. Með bróðursyni sínum Magnúsi
Tómassyni í Steinum sendi Brynjólfur Jóni forna Jarða-
bók Einars á Skála að láni. Tók Jón af henni gott afrit
og skilaði henni síðan. Nú hvarf bókin um sinn úr ljós-
máli. Lengi hélt ég spurnum fyrir um frumrit þessarar
merku heimildar um Eyjafjallabyggð. Of seint var að
spyrja Magnús í Steinum. Hvergi sá eifi eftir af bókum
Brynjólfs í Sitjanda. Með öllu var ég orðinn afhuga því
að skruddan kæmi í leitir. Svo skeði það sumarið 1979
að hún kom í ljós úr þeim stað þar sem hennar var auð-
vitað helst að vænta, úr skrifborði Magnúsar í Steinum,
nokkuð skert en gott var að fá að handleika og hirða
um þetta eljuverk Einars Sighvatssonar. Bókin er 21x17
sm og hefur verið 66 blaðsíður.
Fyrir Hjörleif Jónsson bónda í Eystri-Skógum skrifaði
Einar Sighvatsson árið 1845 lítið heimildakver um nokkr-
ar jarðir undir Austurfjöllum með upptöku efnis úr
Jarðabók Árna Magnússonar og Páls Vídalín og vísitasíu
Brynjólfs Sveinssonar biskups í Eyvindarhólum 1662, en
afrit hennar lá þá í altari Eyvindarhólakirkju. Fremst
í þessu kveri var skjal um landamörk Miðbælis og Stóru-
Borgar frá árinu 1590 í afskrift Magnúsar Jónssonar
bónda og bólusetjara í Hólakoti gerðri 1831. Pað mun
ekki hafa verið þá annarsstaðar að finna og það eitt
ágirntist dr. Jón Þorkelsson úr kverinu 1905 er Jón
Hjörleifsson í Drangshlíð tíndi saman gömul skjöl sín
28
Goðasteinn