Goðasteinn - 01.06.1986, Page 74

Jón Hálfdánarson og Gestur Sæmundsson á hestbaki og í kúrekaleik.
stórum og smáum. Tökum við einnig nokkurn þátt í þessu og fórum
líka í veiðiferðir með heimamönnum. Aflabrögð voru samt ekki
mikil og þótti gott ef einn og einn vatnakarfi fékkst með þolimæði.
Það skipti heldur ekki öllu máli, heldur útivistin, ævintýrin og
frjálsræðið úti í guðsgrænni náttúrunni.
Oft verður maður þess var á ferðalögum á fjarlægum slóðum,
hversu lítill heimurinn er í raun og veru. Á ferðalagi okkar um Texas
vorum við einhverju sinni í kvöldsamkvæmi í smábænum Jeffer-
son. Var þar talsverður fjöldi fólks og við sýndum Islandskvikmynd
okkar við mjög góðar undirtektir. Eftir sýningu kvaddi maður einn
úr hópnum sér hljóðs og þakkaði fyrir þessa sýningu með nokkrum
vel völdum orðum. Síðar um kvöldið átti ég svo samtal við mann
þennan. Spurði ég hann þá, hvort hann þekkti eitthvað til íslands
eins og mér hefði heyrst á spjalli hans. Kvaðst hann hafa dvalist hér
á landi um skeið árið 1950.
Maður þessi kvaðst heita George O. Hambrick og hafði lengi
verið yfirmaður í bandariska flughernum. Haustið 1950 dvaldist
hann í flugstöð á Goosebay í Labrador. Um það leyti hlekktist
flugvélinni Geysi á og skall hún niður á Bárðarbungu á Vatnajökli.
72
Goðasteinn