Læknaneminn - 01.04.2021, Qupperneq 9

Annálar7
Hugrún Lilja Ragnarsdóttir
Formaður Ástráðs 2020–2021
Ástráður
Sumarið 2020 var ljóst að starfsemi 21.
starfs árs Ástráðs yrði töluvert frábrugðin
hefðbundnu starfi. Eins og fyrri ár voru sett
markmið nýrrar stjórnar og undirbúningur
fyrir fræðslu annars árs nema hafinn.
Ástráðsvikan var haldin í byrjun
haustannar í samstarfi við Læknadeild
Háskóla Íslands þar sem verðandi fræðarar
fengu fræðslu frá hinum ýmsu fagaðilum
um málefni er varða kynheilbrigði. Fresta
þurfti Ástráðsferðinni umtöluðu og
Kynhvatar viðburðunum um ókominn tíma.
Fræðsla annars árs nema í framhalds-
skólum hófst í byrjun september og fór að
hluta til fram í gegnum $arfundabúnað. Um
140 fyrirlestrar voru haldnir í framhalds-
skólum þetta starfsárið, þar af 52 í gegnum
$arfunda búnað. Þar glímdu annars árs
læknanemar og fræðarar við áður óþekktar
áskoranir í kynfræðslu. Við í stjórn Ástráðs
getum ekki annað en verið stolt af því
hvernig allir sem komið hafa að fræðslunni
stóðu sig í að aðlaga starfsemi félagsins að
samfélaginu á tímum heimsfaraldurs.
Fyrirlestrar Ástráðs í grunnskólum og
félagsmiðstöðvum sem þriðja árs lækna-
nemar sinna voru í færri kantinum
þetta starfsárið, eða fimm talsins. Þrátt
fyrir auknar auglýsingar á sam félags-
miðlum skilaði það sér ekki í auknum
fyrir lestrum sem má rekja til lokana
grunn skóla og félagsmiðstöðva vegna
samkomutakmarkana.
Burtséð frá miklum takmörkunum í
starfi Ástráðs þetta skólaárið kom það ekki í
veg fyrir innviðavinnu hjá stjórninni. Hafist
var handa við umfangsmikla styrktar-
umsókna vinnu sem skilaði sér í styrkjum
frá hinum ýmsu sjóðum, en þessir styrkir
gera Ástráði kleift að halda starfinu áfram.
Einnig hóf Ástráður samstarf við mennta-
og menningarmálaráðuneytið sem veitti
Ástráði veglegan styrk sem tryggir starf
næstkomandi starfsár.
Helstu nýjungar hjá Ástráði voru stofnun
Ástblæs, hinsegin félags læknanema, að
auka aðgengi háskólanema að túrvörum
með Túrvaktinni, aukið samstarf við Barna-
vernd, notkun $arfundabúnaðar í fræðslu
og aukið samstarf við samskipta fræðina
innan Læknadeildar. Ástráður er nú orðið
sér námskeið á Uglunni en það auðveldar
utanumhald annars árs læknanema sem fá í
kjölfarið umbun innan samskiptafræðinnar.
Það má því segja að nóg hafi verið að
gera hjá Ástráði í vetur þrátt fyrir töluvert
frá brugðin verkefni. Tíminn sem hefði
farið í að skipuleggja þá viðburði sem ekki
var hægt að halda fór í eflingu Ástráðs á
öllum helstu samfélagsmiðlum. Eitt af
markmiðum stjórnarinnar var að auka
athygli Ástráðs út á við sem hafði í för með
sér viðtal á Vísi, pistil í Læknablaðið, viðtal
um getnaðarvarnir í hlaðvarpsþættinum
Klukkan Sex á Rúv og viðtal um starfsemina
í útvarpsþættinum Samfélagið á Rás 1.
Þegar ég lít til baka yfir liðið skólaár
get ég ekki annað en verið stolt og þakklát.
Stjórn Ástráðs þetta starfsárið var einstak-
lega öflug, samheldin og skemmtileg. Takk
fyrir að gera starfsemina og félagið að því
sem það er. Það er búið að vera sannur
heiður að vinna með ykkur og öllum þeim
sem komu að starfsemi félagsins. Starf
Ástráðs er gríðarlega mikilvægt. Það sýnir
öll sú umræða sem á sér stað í samfélaginu
um bætta kynfræðslu í skólum. Því er brýnt
að halda áfram starfseminni af miklum
krafti!