Ársrit Skógræktarfélags Íslands - 15.12.1987, Page 39

Frá skógrœktarþinginu
1987. Framsögumennirnir
þrír, Magnús Pétursson,
Sigurður Blöndal og Márt-
en Bendz, sitja á fremsta
bekk til vinstri. Mynd: Sig-
urður Mar Halldórsson.
Aö Iokum fylgir hér ályktun Skógræktarþings
1987:
Hlutverk skógræktar hér á landi er margþætt.
Skógrækt er einn veigamesti þáttur í endurheimt
landgæða, sem glatast hafa á 11 alda búsetu í
landinu. Skógrækt nútímans getur gert landið
betra en það var í árdaga. Með breyttri landnýt-
ingu verður skóggræðsla möguleg á stórum svæð-
um. Þessa möguleika á að nýta sem fyrst.
1. Nytjaskógrækt:
Viður er náttúruafurð, sem hörgull er á víða
um heim. í næstu framtíð mun viðarþörf aukast.
Fjárfesting til nytjaskógræktar skilar sér seint.
Stuðningur hins opinbera til þessarar ræktunar-
greinar er því nauðsynlegur. Nytjaskógar munu
standa undir kostnaði við endurræktun hér, þegar
fram líða stundir, eins og í öðrum ræktunar-
löndum. Þörf á framlögum hins opinbera til
nytjaskógræktar mun því minnka í samræmi við
það.
2. Fjölnytjaskógrækt:
Skógrækt hefur margvíslegt annað giidi en það
sem felst í verðmæti viðarafurða. Má þar nefna
ræktun skjólbelta og trjágróðurs í byggð og borg.
Skógrækt og trjárækt eykur verðmæti landsins á
margþættan hátt.
3. Verndarskógrækt:
íslenski birkiskógurinn er sterkasta vörn jarð-
vegs gegn rofi. Meginorsök jarðvegseyðingar er
eyðing birkiskóga. Friðun lands og ræktun ís-
lenska birkisins stórbætir landkosti.
Skógrækt á íslandi er einn meginþáttur um-
hverfisverndar. Efling gróðuriendis er nátengd
sjálfstæðishugsjóninni. Ásýnd landsins er öllum
metnaðarmál. Tökum saman höndum — færum
landið í skrúðklæði.
ÁRSRIT SKÓGRÆKTARFÉLAGS ÍSLANDS 1987
37